Saturday, November 11, 2006

最易入的英國高質素法律院校 (Dodderer law Review II)

上次介紹完最多人光顧的在港修讀英國法律課程,自然帶出既問題係,親身飛到英國修讀的法律課程中有什麼好選擇?


英國同香港一樣法律都屬精英學科,學術氣氛濃厚之餘,收生之高一樣令人咋言。在有水準學校不易入、三線學校畢業又好像不大夠競爭力下,有一所相當古怪的英國學校倒相當值得考慮。

因為其獨特個性,故你不會在一般所謂大學排名中找到佢的身影;而且佢的收生要求極鬆(跟公開大學相去無幾),故容易令人對其質素有所誤會。但該校絕非弱者:收生雖鬆,畢業卻極難,這便是倫敦大學系統中比較古怪的一所:畢格列學院 (Birkbeck College)(利益申報,我同E間學校屁關係都沒有)。

在被視為研究質素指標的Research Assessment Exercise (RAE) 所列六十所開設法學院大學中,只有八所為最高的5*,而畢格列學院則與著名老牌大學伯明翰、愛丁堡、曼徹斯特、亞非學院等並列為5,被評為4的亦不乏不少香港人心目的的名校。順帶一提,畢格列學院22項RAE評審中有三項5*及九項5,可以話完全唔失禮。而且同其他學院畢業生一樣,畢業時都可以頂著「倫敦大學」的大帽子。

畢格列學院的LLB修業年期可說是與香港大學完全一樣:標準為四年制、持學位者為三年制。但這所學校怪就怪在所有本科課程均是兼讀制!一如上文所說,畢格列學院近似公開大學,只要符合基本收生要求均可入讀,年長學生即使學歷稍遜亦會被考慮。為符合其作為終生教育提供者的宗旨,故畢格列學院所有本科課程均為兼讀制(只有深造程度設有全日制),故其可以說是有強大研究實力及江湖地位的公開大學。而其LLB為貨真價實的認可法律學生,在英國執業與其他院校頒發的完全相同,當然回港申請PCLL亦與其他英國院校一樣難逃Conversion Programme一劫。
但其學生亦因該政策而令校園生活有點點分別:畢格列學院並無直屬宿舍,不過其學生可申請倫敦大學住屋服務,學生事務處亦不會見死不救,總未致於落得「天為被、地為蓆、訓海德公園、捉特拉法加廣場乳鴿」的浪漫境地!雖然貴了一點,但既為兼讀制,總可搵工幫補吧?

不過最濕滯問題不是衣食住行,而是其本科學位既為兼讀制,故非EU公民不能以此申請學生簽證!

11 comments:

  1. 你好啊, 小弟看畢這篇文章後有一些關於升學的問題想問問你, 不知可否留下msn以作聯絡之用? 謝謝了

    ReplyDelete
  2. Sorry我唔想在網上留個人資料,如希望作交流請在此留言。

    ReplyDelete
  3. 其實我有意修一個會計的學位. U of T (Toronto)早前曾派人在我校舉辦一升學講座. 其間提到達到某些條件後可豁免高考直接入讀該校, 亦有為期三年的獎學金可供申請. 現想問數條問題:
    1)該校的會計如何?
    2)畢業出路比香港讀的好嗎? (我是想回港工作的)
    3)其實我可以經什麼"中六提早入學計劃"選讀中大的會計. 兩者我應如何取捨?
    4)如繼續進修, 申請入讀美國的postgrad. studies容易嗎? (不一定會計, 可以是其他business disciplines.
    5)同樣, 畢業後入讀美國的law schools機會如何?
    thx a lot.

    ReplyDelete
  4. 唉,何處會計?算,答左先。其實你既問題可以轉化成:

    1)考會計牌,因為行內牌先係主宰;
    2)點入大行/NMC,衰極都係2nd Tier

    先講考牌,好簡單既係如果你去UT就有兩個選擇,一係在當地考三個牌其中一個,首選係CA(Canada),無論在本身質素定係番香港做,因為佢可以直接transfer成HKICPA member,仲有另一可能係你成功入職香港Big 4,佢送晒全套考HKICPA套餐畀你;如果入中大,最大可能係在香港考HKICPA。如果你入到香港Big 4,簡單講,兩者考試近乎冇分別,只係UT學生頭兩個月係上堂(Conversion Programme)而唔係開工。

    在行內假如你係入Big 4,捱三年而成Big 4 trainned accountant,基本上讀邊間U分別已經唔大:你既經驗已經掩蓋左你既學位。對入職機會而言中大或許稍高:PAC號稱近九成人有Big 4 offer,講白D,中大在香港會計勢力大,畢業生在行內口碑好。

    不過就算係咁我都prefer你出國,因為無論對眼界、英文程度都係在香港學唔到既(假設你唔係鬱在唐人術。多倫多仲好少少,見過去到某加拿大大學既,D英文令人懷疑究竟佢係唔係真係海龜)。而且人生好多變數,如果你E幾年內大徹大悟唔入會計一行,海龜點都比土鱉佔少少便宜。

    整體講我prefer UT。不過好似一位朋友既名言:

    「入會計者,遇禍莫怨!!!」

    ReplyDelete
  5. 謝謝答覆. 不過我還有些疑問

    1) 上文提到, 其實經加拿大入美國的頂尖學校的研究院/碩士課程難不難?
    2)做會計的話, 入Big 4做accountant人工如何? 捱三年後的景況呢?
    3)你好像不太贊成讀會計. 這都不過是辛苦了吧? 現今會計師的空缺似乎多得很呢
    4)你的文章曾提到考完某一個會計試就前途無可限量, 究竟該試有何特異之處? 是否一考完就有大量公司招聘?

    又是一謝.

    ReplyDelete
  6. 未答會計點解飽和前,先搞清楚,香港有兩種CPA。雖然名義上完全一樣,不過幾乎可以算係兩類人。兩者比例大約係1:9 or 2:8,如果你在中大/UT出身應該係出者居多。

    第一類係Big 4/2nd Tier/NMC出身既。好似你咁講,最大問題係辛苦。不過「辛苦」成點你知唔知?以Big 4為例,旺季(大約佔一半)一星期最少,again,最少100個鐘,我聽番來既最高紀錄係130個,當事人到而家都唔知佢當年係點捱過既。你未做過可能唔信(畀我未做過都唔信),不過你可以去問下Big 4劫後餘生既人我有冇誇張。雖然E類人多半可以搵到份相當報酬既工,不過三年歲月捱得過至少都損耗十年陽壽。仲存在既唔好講,我舊同事既同學入左而家已經灰飛煙滅既Arthur Andersen,九月開工十二月過勞死,夠誇未?

    第二類就係如果入唔到做local firm,U Grad起薪6-8k、三年10k、十年15k、成世都唔過20k既大不乏人,唔好忘記CUHK/HKU freshgrad唔計醫科平均都已經14k,做幾年先去到人地起步點為乜?當然有少數人可能入到第一類,不過只要做多幾年就同做政府工一樣,想跳槽都幾難搵人請。

    至於需求問題,香港人口七百萬,HKICPA會員26,000(仲要每月近一千人淨增長),計埋剩有ACCA/AICPA/CPA(Aust)...既不下五萬人(唔好忘記香港勞動人口只有三百幾萬,每百勞動人口有1.5-2%係會計師);美國人口四億,AICPA會員只有40萬,其中仲唔少唔在美國本土。以人口比例計香港會計師係美國四倍,香港對會計師既需要真係多第一大經濟體咁多?

    當然你會話中國都需要會計師,而中國入WTO時的確話估計需要30萬個,今日CICPA會員只有十幾萬。但唔好忘記,CICPA會員正以一年三四萬既速度增加緊,亦唔會剛到三十萬就收手。而家仲有一個藉口係中國會計制度同國際唔同,但當中國過幾年真係行IFRS時仲需要請幾多香港會計師?職業係考慮三十年而唔係三年既事。

    至於好多人話會計渴市,請先考慮佢地屬唔屬於下列三類人之一:

    1)想收會費、學費既學會、學校,想請廉價勞工既公司;

    2)收左廣告費而寫既鱔稿;

    3)一日會計都未做過,畀(1)或(2)老點左、人云亦云既三姑六婆,或已經入左行二三十年,仲緬懷香港得3,000個會計師既old good day、同現今脫左節既。

    我已經離開左會計界,最多都只係接下freelance,多幾多人入行都唔關我事,完全唔會驚後生仔搵飯食。如果唔信既都係o個八個字:

    「入會計者,遇禍莫怨!!!」

    P.S.CFA值錢都係因為供求關係,佢遠比CPA少,發達就未必,但要搵工唔難,而且財金界要凌駕CFA之上既專業資格唔多。

    ReplyDelete
  7. 呵呵, 謝謝了. 有問題再來找你吧

    啊還有一條:
    "雖然E類人多半可以搵到份相當報酬既工,"
    相當報酬是大約幾多?

    說真辛苦就是所有工作都會的, 不過我是想知值不值得搏他一搏.

    ReplyDelete
  8. 我暫時未見過低過20k既CFA(3年經驗或以上);雖然有人話略低於20k既CFA係存在既。不過問題係,15k以下既CPA我親眼見過非常多。

    如入入Big 4/2nd Tier/MNC,辛苦係辛苦,不過最後會有成功既可能;不過local firm就係辛苦之餘,成功機會同中六合彩三獎好唔得好多:一百個有一兩個啦。

    ReplyDelete
  9. 我想問畢格列法律學院接受中七畢業生嗎?收生成績如何?由於小弟家境並不富有,沒有能力支付我留學。依閣下意見,能否一邊讀書一邊工作?THX

    ReplyDelete
  10. 可用AL成績申請。

    但問題是一如文中強調,Birkbeck本科只是oart-time課程,若閣下為EU公民/工作簽證持有人自然可以工作,但非EU公民不可以用Biekbeck學藉申請簽證ie.根本去不到,更莫說半工讀。

    ReplyDelete
  11. 請問香港CITYU LLB畢業生想去英國修MPHIL LAW,成績2ND UPPER HON中游...入唔入到top 10 o既研究院??
    uk係唔係好睇成績?除左reference letter同research proposal,有d乜野要準備定?
    聽聞uk學院冇乜financial assistance俾海外學生,咁係唔係籌到錢先好諗去uk?

    ReplyDelete