Saturday, January 13, 2007

升破一算又如何?

近日聽到一種怪論:人民幣已升破一算(一元人民幣兌高於一元港幣),證明內地經濟已經站起來…那真是什麼怪論?


只要明白匯率是什麼一回事,便不會幽默得將匯率視作經濟指標:若然以一英鎊兌近兩美元,英國可算是世界經濟數一數二的火車頭;近年美元對英鎊、歐元匯價節節下跌,但杜指卻屢創新高、納指亦是面世以來除2000年狂潮外的最高峰(當然經濟並非單單看股市指數高低)!而且記性好的朋友一定記得,十多年前中國有一樣叫「外匯?」的玩意兒,當時官方匯價是100港元 = 6X人民幣 = 6X外匯?(大約記得是六十多,實數則不大肯定)。若然,八十年代的中國經濟可比今日好得多!

今日中國經濟的確是過去幾十年最好,但一如北京政府所言仍是發展中階段,離真正富裕還有一段距離。若然匯率可以代表一切,只要大量減少貨幣供應已可達到目的(當然後果不堪設想),何須如此勞心勞力發展經濟?而且,究竟以人民幣上升而自豪的朋友究竟知不知道為何會上升、升得太快有何後果?

3 comments:

  1. 匯率之絕對數值(如一英鎊兌兩美元)本身沒有意義, 反而匯率走勢卻是一個指標, 雖然未必一定代表經濟指標, 因為可以是熱錢流入流出而已。

    至於大陸長本身仍有外匯管制, 匯率升跌幅度根本不能完全反映其經濟狀況.

    如果人民幣升值係咁正的話, 美國就唔會成日叫人民幣升值, 而我地既領導人就刁橋扭擰唔想升啦.

    ReplyDelete
  2. 最搞笑係近日見到有D報導話內地有人「報仇咁報」,話人民幣抬起頭佢地就可以睇唔起香港人,證明佢地根本唔知匯率代表乜。

    你提到美帝國想人民幣升值,其實已經唔係第一次,上次受害人係日本:日元八十年代對美元大升後,日本仔既出口大受打擊,亦係日本經濟Boom and Bust主因之一,中國政府見前車之鑑當然唔會咁笨。與其話近年人民幣升值係因為聽美帝國之笛,不如話係用來令經濟軟著陸既剎車而已。

    而且曹仁超講過,匯率、利率同經濟既關係只係一個藉口,無論「二率」升定跌都可以升為大戶炒升、炒跌既理由。

    ReplyDelete
  3. 人民幣升值係大勢所趨,走唔甩的了,但佢地意識唔到匯率走勢背後的原因同影響

    ReplyDelete