Saturday, March 31, 2007

藍天行動、焦土政策?

在社會風氣影響下,政府宣傳多、功夫少的所謂「藍天行動」已進行了約半年。但除大力宣傳將冷氣調至25.5度(攝氏,下同)外,可真看不到有什麼實質功夫。<莫說報上有人提議大規劃在獅子山等光禿禿的舊石礦植樹、以減低市區二氧化碳的宏大計劃影縱全無,連強制停車熄匙這在歐美已相當盛行的簡單立法也做不到。


當然那25.5度指標也實在有點混蛋,向來人體最適溫大約是大約平均23度,或22 - 25度的範圍。在所謂「藍天行動」初期提議的25度已是範圍的最高點,誰知一星期左右數字更如當時恆指般直上25.5度。結果電力倒不見得節省了多少,卻令室內普遍溫度熱得令人受不了,甚至令人懷疑究竟是否關上了冷氣。更大鑊的是不少冷氣系統調高溫度之餘連鮮風供應也受波及,結果熱還可以忍,焗卻簡直是虐待。

此事除突顯政府放著老虎追烏蠅的老習慣外,某害人不淺的所謂「環保團體」亦應記一「功」:熟悉冷氣操作的朋友都知道,要維持23度最適溫時,冷氣風口溫度大約只有16 - 17度,其差異大約受風口位置、室內面積、門窗面積及日照等影響。以長期在室外、飽受日晒而頻頻開門的巴士而言,要維持23度最適溫則更見吃力。於是乎,那所謂「環保團體」將溫度計放在風口上,便可以大作文章說什麼巴士(或商場)冷氣冷死人,乘機見報幾日了。

若說浪費冷氣,反不及近年盛行的以天窗採日光設計。這設計在溫帶或許還可以,但在陽光極盛的香港卻不見得實用:省下的照明沒有多少,但極強的太陽熱力卻嚴重加重冷氣負擔。若真的希望節省照明電力,不如學學澳洲幾年後全面禁用鎢絲燈膽而用慳電膽/光管更見實際。

當然香港政府亦一如以往,人家示範後仍要慢幾拍才跟上(GST這類混蛋加三級的卻想學到足)。但近一兩年老頭卻見政府環保不見得落力,相反卻實行一「焦土政策」。

老頭住在新界,在附近地區見有不少未發展官地,面積由一個街口乘一個街口到近一平方公里不等。不知是不是受限制土地供應的經濟政策影響,那些土地的未發展狀態已持續有年。以香港年降雨超過2,000毫米、平均溫度只略低於新加坡一度的熱帶氣候下,植物生長極其迅速,在未發展官地上除少量喬木及大量灌木外,草的生長亦相當驚人,甚至大約兩三個月已能生長至人高的五、六尺。

但奇怪的是,不知究竟是漁農署還是食環署,每隔幾個月便有一批工人辣手摧草,將一片綠油油的草地破壞殆盡。想來唯一理由可能是減少蚊患吧?但既想防蚊何不用防蚊油?相對於林木,只怕一潭死水引起的蚊患更加嚴重,而且郊野公園的存在亦令這看來是唯一合理理由有點站不住腳。但若非防蚊又會是什麼理由?不會是柏金遜定律又再盛行,官員們吃飽飯沒事幹吧?

雖說幾塊官地面積終究有限,但在林木日漸稀少的情況下幾平方公里的林木生物量亦相當可觀,即使再生能力再強亦總不應如此摧殘。若真的有人保育環境,何以要跟林木過不去?

7 comments:

  1. 香港政府最鍾意抄野,人地美日話 25.5 度 佢就跟,,但又冇諗過人地o既 硬件技術 同 生活方式 跟香港完全唔同。

    其實只要方向正確,根本用不著係數字上抄人。好似匯豐有個 office 將通風口設計係地下,冷氣集中係地面,流失少左從而達到慳電o既效果,並唔需要知道甚麼 25.5度 既 所謂 "標準"。

    話說回來,製造出最多有害氣體o既並唔係發電,而係車輛,車輛數目唔控制,只不過係麻鷹唔管管雞仔既做法。

    不過講到最差最差既莫過於 城規署,住宅、商廈、道路、綠化設施 全部放置得一塌糊塗,單單是屏風樓已經令大家用多左唔知幾多電,亦令懸浮粒子無法消散。以為係馬路旁放幾棵樹就叫 "綠化",空氣沒改善多少,但就要花上百萬計去搶救/添置果D 因為被放係路中心而虐待至死o既樹木,咁算係咩環保?

    黎緊提案徵收 膠袋稅 更加可笑,強調收 "罰款",但又唔提倡確實可行o既方法俾大家,又冇鼓勵商戶改變現行做法o既活動,最抵死o既係 "有錢就可以唔環保",到頭來咪就係好似 e+ D 八掛雜誌咁之嘛,有錢就可以作新聞,Post 鹹相,比得起 "罰款" 就ok

    ReplyDelete
  2. 從唔知道可時開始政府好鍾意把一切東西門面方.

    ReplyDelete
  3. 早前有人呼籲維港熄燈五分鐘, 以加強市民意識. 政府以保持香港形象為由拒絕. 結果悉尼做咗. 香港政府的觸覺及國際視野可見一斑

    ReplyDelete
  4. 一句講晒:好既唔學,衰既學到足。

    ReplyDelete
  5. 香港d建築物起到咁
    風都無滴,冷氣開得越多,出面就越熱,又要開大d冷氣,惡性循環,等死吧

    ReplyDelete
  6. 政府簡直多餘既.. 我之前成日去圖書館~~嘩!! 熱到人死但街就好凍, 最大問題係圖書館為左保持"25.5"就用左好多風扇(吹風~好多個區都係一樣).. 咁叫做節約能源咩? 簡日笑死人~~

    係唔係要視乎人流,地點,天氣而定呢 ??

    ReplyDelete
  7. 純粹個人感覺, 就會香港建築物應該花多d心思係通風上, 如果通風好, 新鮮空氣夠, 人就無咁容易覺得"焗", 冷氣亦唔須要開咁大.

    至於市民方面, 在夏天, 特別是在辦公室, 真係應該著少d, 為老不尊地講一句, 女士係呢方面真係有不少空間, 因為我真係經常見女同事們"著毛衣, 開冷氣". 就算係男同事, 在辦公室都唔捨得除下件西裝外套. 大佬, 佢地果一件又唔係幾十年前盛極一時的"假西裝", 駛唔駛咁怕除左佢??

    ReplyDelete