Friday, May 04, 2007

香港警察

前陣子說了幾句公務員的好話,立即惹來不少朋友暗中指責...若非澳門警察在對待示威事件太「積極」,令千尺外的路人甲也「無啦啦多撻那」,也顯不出香港警察的可愛。


記得學聯、大學學生會一直將李逵前署長罵得一文不值,大罵李逵局長播放音樂、阻止他們衝進會展搗亂是打壓言論自由,這可真是胡說八道已極。在立場上差佬叔叔跟示威者本是對立:示威者自然希望能打擊階級敵人,即使不能實質打斷會議,至少也能爭取一點曝光機會;而差佬叔叔的天職便是維持秩序,將示威者拒諸門外。若差佬叔叔將凶神惡煞的示威者放入會場讓其「充份發揮言論自由」,那可是他們失職、預備回去燉冬菇了!而且單論言論自由,香港怎計也算世界一流。當見某些在內地被視為非法組織在香港遊行時,不禁想到他們正以自己證明香港的自由空間之大。

而且,從今次可見差佬叔叔的處理手法實在斯文得很。多次示威因推撞而受點小傷在所難免,但從溫順的韓國農民到激烈的尊貴議員近年多次示威中鮮有聽聞受差佬叔叔過份武力對待。當年聽到李逵前署長以貝多芬音樂招待示威者時,嘴角不禁泛起一絲微笑:李逵前署長可真是了不起,雖然有一點陰損,但總算能以最低武力達到目的,還要帶一點雅興!

12 comments:

  1. 可能因為冇軍隊關係,武官們都去晒當差,香港o既警力真係比好多地方都好得多。體能強,廉潔,仲有好多神鎗手......

    去日本見到D 警察唔係肥佬就係弱書生,就會想起香港警察幾咁掂。

    ReplyDelete
  2. 呢句"神槍手"真係可圈可點wor

    ReplyDelete
  3. 但如果在街上播放音樂, 會否產生侵犯版權之類的問題呢? 因為很多CD都寫明唔可以公開播放....

    ReplyDelete
  4. 聽d朋友講... 俾人指住塊面係咁駡真係唔好受... 都係打份工姐!!

    ReplyDelete
  5. 齋老師所言甚是...
    環顧世界, 比上不足, 比下有餘...
    應該感恩...

    ReplyDelete
  6. willy_lhk,可能貝多芬ge音樂冇左板權問題呢...其實睇返macau果單野,果個警察好明顯係做多左,不過做得公務員,我相信最好ge自保方法係少做少錯,都係打份工je ,D人要沖擊ge,上頭叫點阻,跟order 做算了,這才化算,用不著為左部門做出頭鳥吧,反正有咩事,冇人會撐你.
    俾個好簡單ge例子,我果份有時要做少少crowd control, 要得crowd control 緊係因為有人會打尖la. 當時我第一日post in ,仲有少少正義感,真係唔俾D人打尖.不過即時有師兄教路,叫我如果個豬狗真係要打尖ge最好唔好撐行,隻眼開就算,佢要過有得佢..聽落好似衰,少做少錯公務員feel,不過話俾大家知,師兄咁講,係因為之前有單類似ge野,個客想打尖,brother 唔俾,回頭就俾人老com(complain),部門嘛,跟足程序地做你.
    講真,今時今日,犯法ge都同你講服務態度要好D(講真ge,落馬州日日都有違期居留ge阿嬋當自己係大客)公務員最好唔好帶咩公義感返工,有咩野盏自己吃虧..

    ReplyDelete
  7. sorry ,好多打錯字tim.
    不過講真,今時今日公務員同以前真係好唔同,而且怨氣只會越黎越大.個個部門ge 基層都覺得政府依家搵笨,大家感覺係:terms 差左,做野多左,仲要面對D無聊complain而部門ge態度係同D市民同一陣線去對付自己人,
    我地工作本身係做檢查,問多幾句就係做緊野,相反,咩都唔問就係失職,不過呢,俾人com ge 住住係渣正黎做肯問果個人,到時唔通有人同情你咩.
    當初做政府,係覺得政府有人情味 d, 我之前做programer, 試過趕完project全team炒哂,試過train完3個月頂左自己ge senior ge工作,senior就係人炒左.所以對私人公司冇咩好感,先決心入政府,不過嘛,政府有好多野,好搵笨,外人唔知,以為真係好好.當然la ,好處係secure,不過千其唔好有太多正義感lor.
    依家基層對政府ge怨氣係越黎越大,肥上廋下,高層政策有錯都冇事,基層少少野就大做,不過可以預見ge係,遲早會有人玩野lor.因為基層ge教育程度越黎越高,我地部門最低rank ge,degree holder已經好普遍,讀緊master ge多到你唔信,仲要咩科都有:law, criminology,philosophy,translate咩都有.依家十個新入ge散仔9個有繼續讀書,講真,邊有咁多位升丫,果批高學歷ge,如果冇得升,冇得走,做多幾年,做左老鬼,玩野唔出奇lor.其實依家散仔同阿sir ge 距離真係越黎越近,大家ge分別,唔係ability,只係authority.
    不過講真,今日見到政府咁,都覺得好放心,因為市民權力真係大好多,自己除左制服,做返市民,我都好放心唔會俾人砌生豬肉呀,呢樣果樣呀咁,不過有好多野,政府真係矯枉過正lor .基本上,依家好多野,真係發下爛渣就俾,如果你返工,其實好多野你會覺得好唔公平,所以都係果句,有正義感,感得要公平ge,就吾好返工la .

    ReplyDelete
  8. 老散兄: 難怪大家都話公務員幸福,公務員可以 "少做少錯",但出面打工,就要 "多做少錯",因為如果你唔 keep 住做野表現自己,好快就會被取而代之。

    ReplyDelete
  9. 老貝已經走左成180年,佢老人家應該收唔到錢,不過唔肯定演奏家有冇錢收。我冇take IP Law,對此不大肯定。

    不過以「現金協會」既脾性,只會欺負小市民、的士司機而似乎唔係太敢在差佬叔叔頭上動土!

    ReplyDelete
  10. 老散兄:請問做紀律部隊都可以有咁多時問讀書嗎? 唔需要輪班? 好奇想問吓^^

    ReplyDelete
  11. Leo兄,公務員唔係可以少做少錯,係不得不少做少錯.尤其執法ge,你做親野,就係同市民過唔去.市民唔會覺得你係維持緊社會ge安定,只會覺得你係阻住佢搵食.
    好似打尖 ge case, 我唔俾人打尖,唔通俾人打尖果個會多謝你咩,不過打尖果個就好大機會會complain你,你可能見得少香港市民,又或者你好似法官咁,係象牙塔內唔了解hk ge reasonable man .不過可以話你知,我都曾經有正義感過,不過依家,返工會執生,除左制服,我見到唔公平 ge事會出聲.著住制服,我會諗過lor .你幫人,file 花左,又係自己受.
    唔係我想少做少錯,係市民想.好似食物抽查,如果老正咁check,如果真係認真抽查,一定塞車,到時第一個嘈ge係車佬,第二就係業界.跟住議員,然後市民又鬧.咁試問,食物安全係燃眉之急,定係避免塞車係首要工作呢.早輪大陸架架車要過榜,好彩係大陸 ja woo,如果係hk,你估hk有冇咁硬淨.如果你過關真係老正咁check,車佬嘈起上黎,你同佢講:"唔好意思,為左市民健康要查足D",你估佢會唔會因為咁問少你父母兩句丫嗱.講真,做得耐,有好多野,你會知係咩事做成lor

    ReplyDelete
  12. supery 兄,輪班就一定要ga la,自己就lor ,個個星期調更就一定要ga la ,好多野自己就ge je, 而且部門唔一定只有輪班位 ,都有返9-5 ge,不過講真,辛苦就少不免,我讀書果期,要狂返早,淩晨0445出門口趕頭班車.放工之後又唔訓得,因為1900又返學,放學2200返到home又要求神拜佛訓得著. 第二日又0430起身..要成日過咁ge日子lor

    ReplyDelete