Tuesday, May 08, 2007

世上豈有一面倒的事?

不少死記爛背的中學生升上大學時,都會奇怪為何大學教育中強調「世事必有兩面」,不學無術的BBA學生更可能到畢業一日仍未明白(利益申報,老頭first degree正是BBA)。就以近日渤海灣發現大把石油為例,大多數報導都是正面得很:解決燃眉之急、增加中國對非洲石油出口國的談判牙力、減少貿易赤字等,但世事是否真的有完美?


可能熟悉老頭的朋友覺得奇怪:以老頭這死左仔背景,怎會對這對國家絕對是大好事有所保留?當然,老頭不是反中亂港的香蕉,絕對為這發現而為國家欣慰,但擔心的是人類對解決非燃眉之急問題的惰性。

記得七十年代第一次石油危機雖說是政治爭議引起,但石油資源有時而盡是早知的隱患,只是隨開採技術日新而令枯竭的日子不斷延後。在過去幾十年雖找到不少代替品,除一般人熟悉的核能、風力、水力、地熱等方法外,德國鬼子早找到一個比核能來得安全(而且鈾礦也是非再生資源)、比其他環保發電來得廣泛的途徑:液氫。

當然液氫應用也有一點麻煩:不但成本比石油貴,而且以液氫推動的車輛續航力太低(近來報導是大約二百公里)。但以上問題不是不能解決,只是因為石油太方便廉宜而令液氫研究放軟手腳。撇開成本計,液氫有兩大石油拍馬都追不上的優勢:首先它的原料是與會計師加班一樣近乎無窮無盡的海水,其次是燃燒時不若石油般產生各種希奇古怪的污染物。

這可是一個惡性循環:因為使用石油方便而令液氫普及化減慢,普及化減慢又令價格高倨不下,結果令近年各國依然用石油這污穢的原料發電。

當渤海油田可令石油短缺問題暫時舒緩,恐怕會令令減慢增加替代能源的步伐,能不令人擔心麼?當然若能在在這「賺來的幾年」努力發展,世事可太美好了。

(註:有關液氫的詳情可參考 http://www-formal.stanford.edu/jmc/progress/hydrogen.html )

13 comments:

  1. 液態氫暫時仍未能說上完全環保
    因為液態氫須要電解
    始終須由化石燃料先發電
    當然使用時一定比現時大部份方式環保
    但都必須先解決不須使用化石燃料下發電再制造氫

    ReplyDelete
  2. 液態氫燃燒時是產生水,不是CO2

    制造氫現在已不用電解了
    ref:
    http://en.wikipedia.org/wiki/Hydrogen#Production

    ReplyDelete
  3. 有關於能源問題o既幾點...

    1能量守恒
    2能量轉換,能量可以以唔同方式存在 並且 轉換存在方式
    3眾多能量存在方式中,以熱能最難收集及再使用
    4生活上大部份能量轉換的情況下都會產生熱能

    結論就係,如果唔解決 熱能再用/釋放 o既問題,無論用咩作為能源,最終都會係死路一條。我指o既死路一條唔單單係能源耗盡,而係在此更早之前,因熱能過多而令生物無法生存o既景況。

    ReplyDelete
  4. look兄: 科技可令效能改進,現在用化石燃料也比當年來得有效,液氫效能不完善只是投入不足而已。

    anonymous兄: 謝謝提供,已修正,並加上一篇文章連結。

    leo兄: 回應主題,世事沒有完美的嘛! =P

    當然如你所說只要發電必會發熱,但「潔淨燃料」至少不會令空氣質素變得如此差勁。兩害兩權取其輕,至少比用化石燃料好。當然最終問題是如何節約,否則如你所說最終會熱瓜。

    ReplyDelete
  5. 有個問題想請問齋老...

    其實你點睇香港既BBA
    讀香港BBA係唔係真係學唔到野
    定係都值得讀呢?

    ReplyDelete
  6. 所以, 可控核聚變(非裂變)才是王道...

    ReplyDelete
  7. 曾聽人說過當你唔知自己將來想做乜時最好選bba,因為bba包羅萬有etc 會計,經濟,管理,金融係過程中應該會找到自己的方向

    ReplyDelete
  8. 一事有多面, 有正反, 有相對, 是通識教育的最基本要義.

    ReplyDelete
  9. thomasyau老兄: 核聚變本身都會發出極大能量(當然又乾淨又平),所以我地做到既就係節能;

    hacarnby: 冇一間大學既商科訓練比得上社會大學,年青人亦無謂浪費黃金三年在出到去發覺用唔著既職業訓練上。都係美國好,first year唔駛揀主修,香港只有HKU既部份學院有類似做法。

    chisuet老兄: 作為資深CPA既你問心有幾多同行有咁既能力?

    ReplyDelete
  10. 請問,咁大學生應該如何準備將來在商業戰場打轉??課本的基礎真係冇用??
    因為我係理轉商的,我覺得bba俾到d基本商業概念俾我,有d資格亦需要一個學位作證明,例如cfa,如果我以一個踏腳石的態度去看待bba課程,主動找多d其他機會,咁...可唔可以俾d意見,thx

    ReplyDelete
  11. myron: CFA好似係大學生都可以考,唔駛讀BBA吧?

    記得當年做Marketing時,有位師姐兼舊上司讀Master of Com.(Marketing)。佢老人家當年都係讀BBA,當然亦一如老頭一樣讀過Marketing,分別就係時間上差了幾年。

    但就是這幾年,令佢乜鬼都唔記得晒,亦令佢與住份功課無言而對。以學弟、下屬身份當然義不容辭同佢搞掂,但做完後問E位做過大笨象、香橙、遷冊大洋行、馬會Marketing既BBA Graduate:

    「你老人家做咁多年Marketing,究竟有冇用過書本上既野?」
    「冇!」
    「咁你老人家仲記唔記得咩係3C、4P...(Marketing入門第一課)?」
    「...」(兩分鐘後終於數齊七個字)

    E個就係好多BBA學生讀時以為「實用」既知識。

    (後話:佢老人家離開馬會後,分別做過英、美龍頭銀行,BBA/M.Com對佢老人家而言只係卡片上既字母,乜鬼空口講白話理論都唔記得晒一樣風生水起。)

    ReplyDelete
  12. 深紫色‧天堂鳥5/10/2007 11:53:00 PM

    肯定的是,人類賺多了幾年,就只會多浪費幾年時間,絕不會未雨綢繆。
    不見棺材不流眼淚,這是人的天性。

    ReplyDelete
  13. 有時候覺得石油落在中國人手上比落在其他國家手上更是一件壞事……

    上面有人提商科,其實中大港大商學院也是第二年才選主修吧,可過選來選去未又係商科…

    ReplyDelete