Monday, August 13, 2007

ACCA是否出路?(下)

不少足不出香港的會計朋友或許對上文的評語有點不服氣,在此再說一個朋友的經歷。


該朋友大學畢業後加入水記會計師事務所(PriceWaterhouse Cooper),在香港當然是應考當時唯一的選擇HKSA/ACCA Joint Scheme,亦一直手持此兩者會藉。但自被派往英國水記兩年後甫回來時跟老頭吃飯,一邊吃一邊破口大罵在英國每當同行見其銜頭為CCA即面露不屑,即使其老細為水記亦無補於事,吃了足足兩年鳥氣...當時正值HKICPA與ICAEW簽定互認協定,她二話不說便退掉ACCA改入ICAEW。

(據另一英國水記朋友解釋,英國四大行大多數新人都會應考ICAS或ICAEW,少量非英格蘭員工會加入ICAI,只有當CA考試炒後才會改考ACCA,大行出身而持ACCA理所當然會被視為考試炒粉的一群。)

如此說來,看官可能亦想大罵:明知ACCA在英國如此不濟,你這臭老頭居然叫人應考?有說世間不可能一本通書睇到老,問題便在於英國與香港情況有兩個根本性不同、而且有說他人的毒藥卻可能是另一人的蜜糖。先說說兩個背景問題:

1) 歷史問題:直至本世紀初ACCA是在香港唯一可應考的專業會計試,當時的HKSA(HKICPA前身)只有與ACCA合辦考試,故ACCA在香港擁有極高知名度、亦擁有大量會員,總可說得上是勢力強大,相反CA地位雖高但在香港卻沒有試場;

2) 階級問題:英國鬼子絕對是階級分明,尤其當CA被視為至尊多年下在一線會計服務中根本沒有CCA的份兒;相反香港人懷抱比較寬廣,奉行小平同志的「捉到耗子便是好貓」論,只要你工作出色、學歷符合基本要求,持有那一個IFAc(見下文)會藉對仕途影響不大。

而且,一如上篇所言,在英制會計界的資格中CA絕對是至尊,但可沒有只照顧一小撮人而封殺餘者的道理。雖然現時香港四大行都將新人送往與ICAEW有互認協議的HKICPA QP,但一如ACCA在英國的角色,對中學畢業的朋友而言ACCA也是一個選擇。

說了這許多問題終於回到本文第一段的問題:中學畢業的朋友究竟可否五年成為會計師?那便要看閣下關於會計師的定義了!對此問題或許可分成三種:

1) 香港法律定義的「專業會計師」;
2) 擁有專業會計資格者,亦即老頭所言的Substance over Form;
3) 大眾心目中「搵好多」的會計師。

香港法律定義的「專業會計師」

根據香港法律《專業會計師條例》,只有HKICPA會員才可自稱會計師、專業會計師、執業會計師、CPA、Professional Accountant、Certified Accountant等(古怪在Accountant卻不在被禁之列,真是古怪非常)。以中五畢業朋友計,可成為HKICPA會員者最直接當然是以HKIAAT(或相應AD/HD) -> PBE(或Top-up Degree) -> QP再加三至五年經驗,耗時大約是五年,但老頭亦同意其中難度極高,尤其PBE與QP兩關死傷數字相當嚇人。

若以ACCA會員轉入HKICPA計,便要經歷苛刻到極點的條款,其中兩條最辣的一為須持有HKICPA認可學位(若然根本不用走ACCA這路!),其二是須應考內容等於QP四科總和的FPE,簡直與重考差不了多少!而QP畢業生三大優惠:直入ICAEW、足夠核數經驗免考PC及CICPA豁免兩份考卷優惠卻全部欠奉,經千辛萬苦只換來一個虛銜。

Substance over Form 會計師

香港人非常務實,看重的是實力而非虛銜。撇除四大行及行內極少數的執業會計師外,持有海外會計資格者是否需執著於HKICPA會藉?完全不見得,這便是說了這麼久的Substance over Form,亦是ACCA在英國雖不受尊重卻仍能百年不倒,可能亦是該會在香港將來的出路。

雖然ACCA在英國形象嚴重低落,但總算是國際會計師聯會成員(International Federation of Accountants, IFAc)。只要是該會一員,便代表「差極都有個譜」。雖然會計師地域要求不同,但只要是IFAc成員認可的會計師,只要亮出IFAc這一大招牌至少亦可令人相信其專業地位差不到那裡。加上ACCA在香港的老本仍豐,即使未及HKICPA在法律上擁有霸權地位,總算是一國際知名的「正正經經」資格。

中五畢業生要成為ACCA會員要多久?以ACCA CAT(相當於HKICPA的AAT,沒有應考要求)計九份CAT試卷大約需時一年,再以2至2.5年應考ACCA專業試的考卷(中七畢業即傳統叫2A3O者可直接應考專業試),五年完成考卷絕非不切實際。而且質疑有關計法的朋友似乎看漏了一點:一般應考QP或ACCA最後階段的考生大多已投入工作並以兼讀形式應考,計算年期時若以完全考試起計便會嚴重高估。

當然,會考成績未如理想的朋友無論從HKICPA AAT還是ACCA CAT拾級而上都不是一件輕鬆的玩意,尤其考到最後階段、最遲在職場上將會再次與會考前列的一批再一次交鋒。若下決心從此路上可要收拾心情,有將來幾年撇除人生一切歡樂的心理準則。

大眾心目中「搵好多」的會計師

看了幾次馬沙及其他網友的計法,似乎他們的十年八載以至十四五年計算法都是「中五生成為學滿師、搵好多」作為假設。若以此為假設莫說是中五生,就算是大學生包括上三大的都不容易做到!

這可不是老頭立場矛盾,緊記「五年可成會計師」只是指成為「會計師」,可從來沒說是「搵好多的會計師」。若是求錢、求健康、求充足睡眠、求受人尊敬,會計可不是適合閣下的選擇。

後記 關於ACCA頒授的牛津婆乸氏大學(Oxford Brookes University)應用會計理學士學位

當應考ACCA九份考卷後,補上一份論文便可換來一個牛津婆乸氏大學的應用會計理學士學位。若問這算不算是大學生?可又是一個定義的問題。

若說閣下要求香港學術評審局作出評估,這婆乸氏學位可以說是有點凍過水;另外HKICPA亦明文指出申請transfer成該會會員時婆乸氏學位不被承認。

但若說婆乸氏學位一無是處可不見得,首先婆乸氏大學總算是一英國中游學校,總比英國的包艇級大學甚至美國的郵箱大學好得多;而且當閣下以ACCA等專業資格雖可直接申請taught master,但無bachelor支撐的master總是有點搖搖欲墜,這婆乸氏學位便可令履歷好看一點。

一如ACCA主體:頂級可稱不上,但總算可以接受,對未能考入大學的朋友絕對是一值得考慮的途徑。

38 comments:

  1. 我本身長年在mnc 工作, 果d 鬼佬的"面露不屑", 我以前真係見唔少, 最谷鬼氣的, 就係入唔到ca 並非我無能, 而係以前我根本無門路入ca. 我若老成日話我係反acca 旗手, 其實唔係我想, 而係形勢真係比人強.

    果一種"面露不屑"表情真係令我好不快.

    而且有一點唔知大家有無留意的, 就係考hkiaat 上, 係會有一個drop out point畀自己, 你考完hkiaat 八張之後, 就可以成為hkiaat 會員, 可以停一停, 睇下自己係唔係重想考上去. 甚至休息幾年充一充電再上都得.

    持此學歷, 休息夠就隨時可以再往上爬, 既可以考pbe 再上, 永遠有效. 亦可以用佢黎claim ouhk 55學分的豁免, 更可以靠佢入napier 港辦的學位.

    誠然, 考acca 都會有一個drop out point, 就係考完9張之後的obu degree, 好可惜, 持此degree 休息幾年之後, 可能你已經無路可走, 因為你可能已經過左acca 的10年大限. 要用黎claim ouhk 的學分, 得唔係唔得, 不過只有40學分.

    ReplyDelete
  2. 无论是QP或者是ACCA "Transfer" to CA 只是一個虛銜。

    请问老人QP質素真的比ACCA高吗?


    那恼死人的WORKSHOP有多么用?

    ReplyDelete
  3. 老人:
    我係 Lewis,之前響
    "星光璀璨的八十年代(三) - 陳慧嫻" 留過言

    經你相助後,我決定左入BU accounting year 2。

    但今日,我收倒 Poly accounting year 2 offer(頭暈)

    所以又要請教下你點 choose 好
    其實我響HKDISCUSS 都留過言 ga

    要麻煩到你老人家,抱歉抱歉!

    ReplyDelete
  4. CB老兄: 於是就搞出當年ACCA危險萬分時你出賣佢單野! XD

    anonymous兄: QP質素姑且不論(個人意見個workshop簡直晒人時間),不過重點係既係佢可以直入ICAEW,真麻煩既係佢入ACCA就只要畀錢、ACCA要入佢就障礙多多(當然有ICAEW你揀居然都仲入ACCA係身癢)。

    Lewis兄: 同是year 2下,當然去會計系出名既Poly,反正你都未開始你既BU生活。

    ReplyDelete
  5. sorry sorry
    Poly 是 year 1
    so好難揀

    (p.s $屋企都support 倒 ge)

    ReplyDelete
  6. 如果冇逼切需要既都係Poly。莫講Poly會計系名氣大,讀多一年大學既體驗、學習總有價值。

    ReplyDelete
  7. 齋老:

    1. I think "Certified Accountant" is actually an ACCA member's title, not HKICPA's.

    2. Not many jurisdictions allow protection of the title "Accountant". Australia certainly does not. UK Dept of Trade refused to protect both "Public Accountant" and "Registered Accountant". China, well, only if you count the 上崗証s. Only Malaysia has successfully passed legislation to protect the title "Accountant".

    3. Historical legacy: I do not expect to be challenged much by saying that Gen-X HK businesspeople will associate ACCA as the premier local accounting qualification and CA as the qualification that the gwai partners at 畢馬域 and 水記 and the 老闆 at the 洋行 have. Us Gen-Yers now know better.

    4. IFAC: when you also illustrate that CICPAs are also members of an IFAC body, its significant gets a lot less in HK (not that I belittle CICPAs, I kowtow before their genius. Just that a lot of ppl here don't share my view).

    ReplyDelete
  8. ACCA以前在英國是更為唔掂,不過近5-10年ACCA在英國和歐洲的形象和地位是確實改善不少。因此,這才令ICAEW放開門檻,准許那些做夠5年ACCA member的可以入會。

    不過怎樣都好,以前CPA會計師是財務工作的唯一專業資格,加上當時少人擁有會計師資格,因此會計師地位算是崇高。

    可是,現時潮流時興財務工種專業細分化,CPA只是負責會計稅務審計、CFA負責財務工種中最為搵錢的金融工具運用、投資分析和決策、CFP則負責個人理財、FRM負責現時越來越Hit的財務風險分析等。

    所以現時CPA/CA會計師的地位可算是非今昔比了。

    ReplyDelete
  9. 与其它会计组织相比,ACCA更为开放:ACCA向有能力的优秀人员敞开大门,而不因他们的不同背景拒绝接纳——不管年龄、性别、学历或种族上的差异

    ReplyDelete
  10. 本人非會計人,睇到一頭霧水哈哈。

    工程中在英國都有好多會,不過係根據工能分。

    IStructE
    ICE
    CIOB
    CIWEM.....

    ReplyDelete
  11. percysmith老兄:

    1. HKICPA唔係CA,但QP入會既可以直接入ICAEW;

    2. 上崗證與CA/CCA/CPA係兩回事,反而有少少似LCCI/AAT,不過法例係各處不同,以Substance over Form原則根本無意義;

    3. 純歷史原因,以前香港根本冇得考CA,正文用左好多篇幅解釋左點解香港既CCA冇佢地英國同業咁淒酸;

    4. 中國物價水平遠低於香港而已。

    ReplyDelete
  12. anonymous老兄1: 會計師地位根本冇高過,打開美帝國(世上最商業化國家、亦係最拜金既一個)調查,CPA居然可以同賤人既代名詞US Bar在大眾心目中打成平手,究竟有幾巴閉可想而知。

    anonymous老兄2: 重申:我由頭到尾都冇話過ACCA無存在價值,佢係冇good honour degree(理由上AAT都可以入CA,只係人數少得離奇,單係搵training contract已經難到極)人士成會計師既一條可行道路,但這與級數係另一回事:英國Open University都係「最開放」既英國大學,當然亦有一定實力,不過唔會因為佢最開放而令佢有同牛橋平起平坐既地位。

    anonymous老兄3: 情況不同,工程係工種既分別,會計你可以當係唔同名氣級數既大學(雖然如果係大學仲要睇咩subject)。雖然會計都有類似唔同工種既資格如CIMA,但第日得閒先講。

    ReplyDelete
  13. 在香港今時今日, 讀會計的不是考QP, 就是考ACCA. 因為在香港我地唔可以考CA / ACA. 考QP的話, 又要上什麼workshops, 考下快速抄寫技巧, 重要被人迫做三年audit勞工, 結果就是得到了沒有training contract 的ACA. 最近搵工的時間, 有一至兩個人事顧問回應考QP的人工作能力不濟, 比不上ACCA. 佢地話有部份顧主有這種回應. 不知一般情況如何, 不敢亂講. 這種就是所謂名牌會計師資格???

    考QP在國際上的人眼中算不上什麼東西, 佢地會問QP係咩東東, 考ACCA的, 雖然不見得好有地位, 不過在英國以外的地方(在英國考QP的比考ACCA好???), 也不會被人看不起, 畢竟ACCA的國際化搵得最成功, ACA / CA 可以算是一些老人會計師牌, ICAS / ICAEW 的會員年齡高得驚人, 遲早會因為會員不足而搞到公會的發展停滯不前. 另外, 其實也不見得 ICAS / ICAEW 會為會員爭取到很多不同範疇的權益, 不過ACCA一直都積極為會爭取更多福利及發展的空間.

    如果在香港打算做個執業會計師的話, 就一定要考QP, 不過如果要發展金融/IT等其他範疇的工作, 就應該考ACCA了, 因為不用做三年Audit. 例如金融方面的幾年工作經驗, 可以claim CFA and ACCA 用, 不過就唔可以claim QP了.

    ReplyDelete
  14. 自問對會計這行業不算太了解,但ACCA這數個英文字母教人想起學生時代。由於當年應考資格僅為2A3O,所以不少讀文科的同學也是在修讀學位之餘自行研習會計。
    我也有教學同工畢業時考畢所謂十四張卷,今天也任教會計學原理。

    ReplyDelete
  15. 不用為CA擔心:平均年齡稍高可沒什麼問題,CA有九成以上英國Big 4 Trainee支持(除非考CA炒了才會有英國Big 4人考ACCA)。如果是年齡而非質素才是地位高低的關鍵,IAS早已執了。

    ReplyDelete
  16. 老人:
    我(cindy)是一個fresh grad (在英國中游大學bba取得second upper, 係off campus degree). 岩岩入在mnc 做taxation, 返左不久.... 本身咩經驗都沒, 我想用 HKIAAT + PBE + QP + FPE 入hkicpa, 但我間公司唔係aduit firm , 我查過佢唔係 authorize employer. o甘我有機會入hkicpa 嗎? 或有其他更好的出路建議?

    ReplyDelete
  17. Cindy兄: 既已有degree便可用再在AAT、PBE上花時間,若走QP可直入Conversion Programme。

    若貴公司不是AE而走HKICPA路只有兩條:要求貴公司申請或向HKICPA申請EAS。

    ReplyDelete
  18. 老人: 我係non-accountig major,您的意思是否我可以在AAT+PBE or Conversion Programme + QP 入HKICPA?

    定係3個試都要考?

    {若貴公司不是AE而走HKICPA路只有兩條:要求貴公司申請或向HKICPA申請EAS。} , 我9明點申請, 同埋咩叫EAS?

    Thanks for yr help!!
    cindy 上

    ReplyDelete
  19. 老人: 我係non-accounting major,您的意思是否我可以在AAT+PBE or Conversion Programme + QP 入HKICPA?

    定係3個試都要考?

    {若貴公司不是AE而走HKICPA路只有兩條:要求貴公司申請或向HKICPA申請EAS。} , 我不明白如何申請, 同埋咩叫EAS?

    Thanks for yr help!!
    cindy 上

    ReplyDelete
  20. Cindy兄:學位持有人可以Conversion Programme入QP,即HKICPA網頁中的Route 2,如此可完全不理AAT與PBE。

    有關詳情請先參考:

    http://www.hkicpa.org.hk/students(NEW)/siteA/qp3-1.php

    ReplyDelete
  21. 老人:

    岩岩打去問hkicpa, 佢話要recognized degree, 要比$1200 做assessment!! 有可能不合資格.........no guarantee....您覺得 行 conversion programme or aat +PBE 好呀


    Thanks for yr help!!
    cindy 上

    ReplyDelete
  22. Cindy兄: 請問是那一學位?遙距都有不同。

    PBE合格率實在太可怕,若非必要degree holder絕不應考慮。

    ReplyDelete
  23. 老人:

    是 coventry uni 的bba (hon)!!
    因為final transcript 要7月到先出到, e+ 得張hk 某college 的transcript.... 所以唔知可唔可以做assessment!!

    PBE合格率實在太可怕? 那pbe or qp 難d?

    Thanks for yr help!!
    cindy 上

    ReplyDelete
  24. Cindy兄: 想知可唔可以access好簡單:打去HKICPA問(順便領教下佢鼎鼎大名既telephone service),再唔係去胡忠大廈,最多浪費你半日,除佢地自己外冇人可以答到你要咩文件。

    PBE有一科合格率只有十幾%(Law and乜鬼,雖然串少少講,我睇過題目唔覺得難)。不過除合格率外,更重要既係以degree holder而言由AAT讀起簡直係浪費時間。

    ReplyDelete
  25. hihi, 若缺齋老人

    本人係english major,想通過conversion programme考qp,想問下:

    在無任何acct experience既情況下讀conversion programme會唔會唔值得呢?

    同埋我都知我第日讀完入big 4既機會比較微,想問下我又點先可儲到0個3年經驗呢?

    Jason

    ReplyDelete
  26. Jason兄: 都係老話,想入行盡可能申請Big 4,major絕對唔係一個問題。如果自己讀conversion既非常大機會係入local firm,到時一樣可以chartered,但人工就真係哈哈哈。

    ReplyDelete
  27. 若缺齋老人

    多謝你既回覆。

    今日放假,我睇左更多關於acca同qp既分別同資料,真係兩者均有好處。

    讀qp最麻煩真係佢既work experience,做到big 4都話,唔得既,走去做local firm既experience係就係可以charter到,但係出到黎commerical 0個邊既唔count你既經驗,做番audit又唔夠big4人,有點高不成低不就的感覺(定係我錯了?)

    其實我做account唔係諗住要發達的,反而對commercial既公作有0的嚮往添,因為接觸既瓣數多好多咁,識多0的野,如是者,我走去讀conversion,之後考acca好似真係好0的咁播,雖然唔可以做cpa。

    不過有個問題,就係樓上所講,現在accountant都可以由acca member出任,而唔係局限於hkicpa既cpa,但會唔會有機會第日連呢樣都禁埋,一定要hkicpa member呢?

    ReplyDelete
  28. 老人:

    我想讀conversion program, 但要等到9月,d local uni 先開班.

    kaplan 都有開conversion programe, 但6.5個月完成, 睇d schedule 3-5 days parttime study, 好harsh, 但1月有班. 您覺得邊間好.

    很煩的cindy上

    ReplyDelete
  29. 考到ACCA你唔會另外一個考唔到呀嘛?? 未考已經好似好planning咁...真多野諗~問來問去,人家ge abilities等唔等於你自己ge實際情況呢又? 驚就唔好去囉,呢個世界永遠都係to do not to do..

    ReplyDelete
  30. HI~
    其實說了那麼多,我卻很想知道如果要穩妥考入hkicpa,應考hkaat、acca,還是aia呢??

    我的個人情況是:hkcee還可見得人吧,六科全合格14分,中英有3等(即d級),數學c,會計d。但hkale就得中英e,其餘的fail了(當中當然包括會計啊!!)

    ReplyDelete
  31. 如果入HKICPA是主要目標,當然係AAT/認可AD/HD -> HKICPA認可degree(比PBE容易) -> QP;

    ACCA已比較麻煩,另一個更沒一絲理由考慮。

    ReplyDelete
  32. 啊!!原來係咁。
    我還有另一條路,就是副學士升大學,但學位非會計系,但只要讀和考完conversion course就可以直接挑戰hkicpa的qp。

    我唔明那個conversion course(轉制課程)是什麼。而且,我上網幾乎找不到這個conversion course的詳細info。

    假若我升到大學了,但取讀的學位是語言學系,畢業後,我可否讀conversion course,然後再考入qp呢??

    如果可以的話,請求提供詳細的conversion course的info。

    感謝你的答覆!!

    ReplyDelete
  33. Conversion即route 2,你可自行查閱個別課程,non-business major可能需多補幾科,反而顧慮係top up若是遙距的要畀多(應該是)二千幾畀HKICPA access是否其承認學位,這一點我亦沒太多認識:

    http://www.hkicpa.org.hk/en/become-a-hkicpa/how-to-apply/entry-routes/

    ReplyDelete
  34. 那返回AAT、ACCA和AIA的問題吧。AIA的也不用再提了。
    我想知那個AAT和ACCA之間那個較易考(考試難易程度)?
    還有考完了ACCA的14份卷後,還要考什麼或要做些什麼才可考HKICPA的QP呢?
    還有,我要考幾多份HKAAT的試及其後,才可以去挑戰HKICPA的QP呢?

    閣下實在太多疑問了,或可能騷擾了在下,我在此先予以萬分歉意。

    ReplyDelete
  35. 不會太多人同時考過兩個試,誰難一點可不知道,但一般人說法是一為open book一為closed book;

    ACCA轉入HKICPA會藉在後者官網有請自行查閱(不過有ACCA後若非執業是否需要個人認為存疑),惟小心HKICPA認可學位一段;AAT入QP一是HKICPA認可top-up degree,又或PBE。

    ReplyDelete
  36. 都唔明點解澳洲會計師公會轉HKICPA那麼易而ACCA那麼難?我心目中ACCA比前者難多了。

    ReplyDelete
  37. 一句: 比香港攪死!!
    因為JOINT SCHEME完之前我都未考完, 之後分家, 最後入番ACCA, 因為以前的HKSA話唔認我之前ACCA考的成績, 叫我由AAT讀過...... 我無DEGREE, 只有DIPLOMA, 我都係半工讀, 由頭讀過, 哂錢哂時間, 而家都係ACCA, 睇完D POST, 想死, 年紀大轉行都轉唔到啦!

    ReplyDelete
  38. How about AIA? Thanks!

    ReplyDelete