Wednesday, October 10, 2007

愛不得其法

今日(2007年10月10日)林行止曰:「中國的香港政策絕對「成功」,然而,香港政策也許要加上「金融」一詞才有意義,因為從政治層面,中國的香港政策一無是處...」。相信除一少部份極端觀點外,大多數人都同意阿爺對香港是頗為照顧的。除某幾個政策議題外,阿爺亦不見得處處死口不放,為何會落得被林行止說「一無是處」?


西諺有云:「一人的蜜糖,可能是另一人的毒藥」。在阿爺眼中可能是好得不得了的禮物,入了港人口中卻可能成為恨不得吐出來的穢東西,最經典例子莫過於食雞前局長角逐世衛總幹事:據當時幾篇報導提到當世衛總幹事出缺時,食雞前局長立即央求阿爺支持成其大業。可能阿爺眼中支持香港人是義不容辭的事,亦相信港人會感激這善意,對香港人掌世界性組織一定與有榮焉...怎料事成後,不但香港人立即大皺眉頭,甚至連本地三大左報文匯、大公、星島(老頭極少接觸商報)也是報導多捧場少,想來阿爺定必大跌眼鏡,甚至誤以為香港人確實反骨生遍全身,明明是大禮卻毫不感激。

當然香港人對前因後果自是心知肚明。以其他前/現職局長而言,即使形象未必受落的亦不難找到支持聲音,例如帝皇前局長是以獨斷獨行出名的,但欣賞其才具的亦大不乏人:不敢在醫學知識上班門弄斧,但曾聽一非中大任教的大學講師轉述,一次帝皇在某通識課堂上展示一張人像,問曰:「靚不?」,大多數聽眾立即答曰:「好醜!」,但帝皇應曰:「凡事不要看表面。這位人士是在意外中毀了容的,當然醫學再厲害也沒辦法令她以容貌悅人,但能令你們看不出是手術後的結果,不是已是非當大的成就了麼?」,這啟發思考、令人深省的功夫可不是一般教授能及。

相反,老頭見識不廣,倒真是未聽過有誰對食雞前局長有片言稱許。記得當日接掌世衛時,有評論立即大為擔心,不知將會為香港人如何丟臉、其見識會帶來甚麼後果。可真是邀天之幸,這兩年世界可沒什麼重大疾病災禍,其他世衛幹了幾十年的一般事務自有人代勞,食雞前局長並沒有什麼表現的機會。但阿爺這一番好意的禮物卻令香港人提心吊膽,相信是絕對意想不到。

做父母亦然,現在香港的基礎教育可真是有點嚇人,幼稚園的英文書已來個什麼Nautilus(鸚鵡螺)還是什麼的生字,令人拍案叫絕的是不少家長居然對這種奇怪教育趨之若鶩!學了一大串Nautilus不但學生痛苦,而且有個屁用!叫他用英語去街市買鸚鵡螺回來不成?

不是叫人不鞭策兒童學習,但而令學生失去成績表以外的一切,不見得能令他們能在將來幾十年走得順利。

12 comments:

  1. 香港人心態, 先天下之憂而憂=.="

    ReplyDelete
  2. 香港人, 先天下之樂而樂, 後天下之憂而憂...

    當然這個觀點要用一個特別角度來看 :P

    ReplyDelete
  3. 老人講得好,文化的差異令中央始終掌握不到港人的民心所向。

    又,呢類生字,玩下手連鬼佬都唔識,學來有個屁用。香港有部分家長,係都要仔女學埋人地唔會識既野,出黎威威,當左自己仔女係炫耀既工具。

    ReplyDelete
  4. 我覺得香港人過慣自主 (或者係自我中心)
    睇番殖民地時代靠米字旗招來外資先發展得咁快, 但香港人大都只歸功於自己
    最多只會話香港管治得好, 從來冇諗食緊o既係主人分出黎o既餅乾

    如今呀爺做到出面果種愛港做法
    就正正踐踏緊呢種大香港主義, 加上呀爺係大家過去喜歡踩住黎抬高自己o既角色
    愛, 反而覺得係侮辱
    我覺得香港係唔打唔得果隻, 送幾多禮物都唔會領情的
    反而會鬧番你轉頭

    ReplyDelete
  5. a5n9d8y3老版主:你老人家少來,一來就陪埋那兩隻野顛...

    余兄: 學生字是問題,反過來問分分鐘真係去街市買茶的常用字都唔識才是更大問題。

    leo老弟: 照顧未必受係一回事,另一回事係佢既照顧有時好難啃,有時諗起食雞前局長都真係影響胃口。

    ReplyDelete
  6. 柯秩小師妹10/13/2007 05:49:00 PM

    中國人嘅觀念永遠都係養兒一百歲長憂九十九,不懂得放手比兒女長大自己為自己命運作主, 一係成為裙腳仔or二世祖, 一係成為反叛青年....

    ReplyDelete
  7. email:winson0723@gmail.com

    我想問一下關於升學既問題~(應屆高考生)
    我有睇過下前輩既post~
    想問幾個問題,希望前輩可以解答一下或者講講你既意見,我真係好想聽聽你既意見:
    1. d人成日都話依加hku d人好hea,讀hku d科好似入水泡科咁,實際hku 係咪真係相對地較差?
    2.就算係較差,hku 既graduates又會唔會因為hku 既名聲或者hku 多校友而有優勢?僱主(尤其國際化既公司)眼中hku 又會唔會比其他兩大差得多?
    3.既然讀business 唔係一個好選擇,咁對一個理科生而言,想從商既話唔讀maths/phy(題外話,對呢兩科能力的確不足) 既話會唔會相對地無左個優勢?eg.biochemisty ,biotech ,environmental eng 等等
    4.最後school of science 方面,投放既資源,師資及reputation 三大又邊間較優勝呢?

    我真係好希望前輩可以指點一下.....

    ReplyDelete
  8. winson老兄: 讀唔讀睇你自己,如果個個hea而你勤力,你就係第一。HKU商學院本身係搞到一塌糊塗,但僱主更concern你個人能力,你自己思考、語言能力夠既根本唔會輸畀人,而且HKU個名/校友亦唔差得過其他兩間。

    只要你成績唔差、有一定課外表現,入到interview時完全係睇你個人表現,而且HKU點都稱唔上一個「差」字,HKU BBA而家發到成個豬頭咁既人我都識,當然佢英文好我九條街。

    Chem Bio嘛最好係中大,科大就叻在識搵勁既學校交流,HKU理學院相對弱少少。不過again,讀得好既一樣冇問題。出到去見工只有top同唔top既分別,major大多數情況下都唔係一個concern。

    ReplyDelete
  9. 我係HKU postgraduate, 不過undergraduate好似係FOSS (social science)出品, 但都算同Faculty of Science 很熟, 因為我係Transfer過去的FOSS, 但postgraduate又返去Science Faculty... 而且我曾在CUHK 及其他U做過RA, 都叫做有少許經驗.

    Science Faculty, 只要有Lab, 邊間university 會不可不落重本!!!而HKU, CUHK, UST 差不多, 大家都知道都是這些人, 只不過走來走去!!! Reputation這樣東西, UST就當然最差, 無解, 歷史不長, 同一個fund亦被其他Faculty壓制著...

    還有, 有些學科不一定是Science Faculty... 例如, Biochemistry, Bioinformatics in HKU 是Facmed, 唔係Science Faculty.

    最重要的是去Open Day問問題, 以及去知道你的真正興趣是甚麼, 而不是去追求那一間好出路...

    ReplyDelete
  10. 首先多謝你地既解答=]

    但係我仲有少少野唔明....


    a5n9d8y3兄:
    原文:HKU, CUHK, UST 差不多, 大家都知道都是這些人, 只不過走來走去!!!

    咁即係話d prof. 都係果幾個?我之前去中大上d course 都聽過話d prof.成日都會去其他U開會,但係會去其他U教埋?定係指佢地會轉下去其他U教?


    原文:Biochemistry, Bioinformatics in HKU 是Facmed, 唔係Science Faculty.

    請恕小弟咩野都唔識,Facmed 係咩野?

    再想問一問ust 同hku 果個eng + bba 既programme 我讀埋第四年多一個degree 對我既競爭力其實有幾大既影響?幫助係咪真係咁大?(前題係讀得都算唔錯~)

    ReplyDelete
  11. winson:

    其實, 大部份Dr會每隔幾年就去第二間大學教, 原因無他, 都係為了升職加薪, 或者叫做做好張CV叫更高價... 所以, 通常教職員都會來來去去... 好似, Stat Dept of HKU Dr Zhu 去到 HKBU Maths Dept 成為Prof...

    你有無聽過Prof KY Yuen of Microbiology(袁國勇)? 他們以及Biochemistry 現在就搬到Faculty of Medicine (Facmed)...

    當然讀Double Degree係好事, 但同一個情況, 讀得好既就無問題, 讀得差就...

    ReplyDelete