Tuesday, February 12, 2008

Other People's Money

今日看到一本「升學」求職雜誌專欄文章,被一段文字引得在車廂狂笑:


「香港的投資平台是否真的有足夠成熟的技術及人才呢?筆者有所擔憂。最近就聽到很多私人銀行財務顧問的惡劣行徑。

且說一例,在美元持續下跌的2007年,竟有財務顧問建議以孖展的形式沽空加元長達1年。這種建議根本不可思議,讀者或許會覺得,這種投資很快便會斬倉,不可能持續1年。更令人震驚的是,投資者簽下合約,以1個西九龍住宅單位作抵押,於是不用斬倉,長輸長有,直至最後,投資者才驚覺1,000多萬元市值的單位被蠶食掉,化為烏有。他的外匯合約對手是誰呢?這個私人銀行財務顧問是缺失,還是缺德?」


(鄭建生,中產階級「下流化」,http://jiujik.scmp.com/jsarticle.php?lcid=HK.B5&artid=3000019826&arttype=SOCI&artsection=CAREER)

說穿了,這便是管理「學」中的所謂代理人問題(Agency Theory):管理「學」也者,將係人都知的常識冠以好似很專業的名詞也!以廣東話而言,即「針唔到肉點會痛」?不少人錯解左商學院所謂OPM(Other People's Money),以為應該借人錢去炒以賺取difference,結果輸死既十個有九個半都係E種笨七!如果係自己錢,就算個市唔見一半最多有少少痛;但如果係借人錢輸少少已經夠破產!

真正能將OPM應用而唔會上身既只有基金經紀:用貴閣下筆錢來投資,贏左佢分一份、輸左都分你一份(手續費),點都唔駛上佢身!

當然有經紀曰其獎金乃根據回報率,但當份佣係睇return而佢又唔駛上身時,自會有向高風險東東出手既傾向:只要十單裡面有一單得左佢已經和味非常,反正其餘九單係輸死你唔係輸死佢!以上文老鄭例子為例,該經紀在有關人士這一宗買賣當然沒什麼賺頭(手續費是老實不客氣照收的了),但只要十隻水魚中有一隻僥倖不死他仍可分紅分得發似豬頭。

所以此乃為何老頭經常強調一不玩孖展類東東、二不借錢投資、三不幫襯基金佬。順帶一提,如果看不懂老鄭那一段引文,證明閣下金融常識已近乎零,可不要夢想短炒獲利,請乖乖儲大笨象也!

8 comments:

  1. 所以,投資最緊要都係有自己既學識。自己識既,去做,而且自己做,做得小心。自己唔識既,唔做。永遠唔比其他人決定點做。

    經紀十有九個都係想搵水魚落疊,唔係佢食乜?瘋狂做TRADE賺佣係小事,賭方向賭哂你副身家大有人在。

    ReplyDelete
  2. 若老先生, 有一些個人經歷及問題想請教, 篇幅可能稍長, 可否將問題發至老先生的 email? 謝謝!

    ReplyDelete
  3. 哈哈!
    唔知霸菱同法興兩大rouge trader又算唔算玩OPM玩到要生要死嘅典範?响某一班(為數仲不少嘅)人眼中佢地係反建制英雄.....

    ReplyDelete
  4. 一直以來, 我經常被同事問兩個問題:

    第一個較切題, 便是:"你現在有幾多percent cash 呀?"

    我都是答 100% (當然只是順口, 我也是大象持有人, 但我都是放埋一邊不太理會...)

    時間長了, 問的同事開始覺得無癮, 甚至認為我是怪物...

    另一個問題與老版主題目似甚不相干, 便是:"你是位資深會計, 請問最近有什麼心水股票介紹?"

    可想而知現在充斥市場的所謂投資者(投機者?), 對投資的認識有多深了....

    ReplyDelete
  5. 余兄:有邊個比自己更著緊自己既錢?

    anonymous兄:請send到blog左上角yahoo郵箱;

    神探兄:兩大進一步證明agency theory:如果佢地成皇就有鉅額分紅,但敗寇時都唔駛自己出,當然佢地過了法律界線更可吃免費皇家飯;

    Wyjimmy兄:那可應問問各有會計師公會:係佢地吹到會計師成各方面 - 投資、金融、法律、IT、Compli...專家。

    ReplyDelete
  6. ..................所以此乃為何老頭經常強調一不玩孖展類東東、二不借錢投資、三不幫襯基金佬..............


    想起我份強積金, 焗住幫襯基金佬, 真係
    喊得一句句!!!

    ReplyDelete
  7. 我唔會買基金, 但會買基金管理公司的股票.

    ReplyDelete
  8. anonymous兄:
    財金界一直有個冷笑話
    當年提倡MPF嘅人其實係有預知力
    你睇下MPFA個logo係乜就知!!

    ReplyDelete