Saturday, March 08, 2008

今夕港商、他朝會計

看到這段新聞實在不禁莞爾:


「廣東省省長黃華華 表示,鼓勵勞動密集型的港資企業撤出珠三角,是出於好意。

他指,現今珠三角已沒有土地,成本上升,鼓勵勞動密集型的港資企業撤出珠三角是出於好意。

他又否認會拋棄港商,指珠三角有今日的成就,港商功不可沒。」



雖然是必然趨勢,但看到最後一句不期然想起《笑傲江湖》:東方不敗在書中唯一一戰前,對童伯熊、任我行句句動人、字字感激,但一如令狐沖所說「你剛才不斷讚揚童長老對你的好處,突然之間,對他猛下殺手。現下你又想對任教主重施故技了」。話說得再好聽,也掩不了過橋抽板四字。

才不過半個月前(2008年2月18日),老頭在《諸神的黃昏 – 香港會計師的末日 (續)》中說會計有點像當日北上廚師的影子:當日國內需求孔急時自然當你作上賓,但當能自立時還理你幹啥?技藝人人不同的廚師、挾著大把銀子的港商也是如斯下場,幾個月便培訓得出的會計Trainee有什麼得天獨厚的優勢能與人不同?

亦一如上月為文所說,這也是怪不得人的:信不信由你報張立專欄最愛說形勢,改革初期自然要為吸引資金無所不用其極,但當今日連環保也比資金更重要的年代,港商自是首當其衝。而且也沒什麼對你不住呀,畢竟已讓你賺了二十年暴利還不夠?誰教你人無遠慮,想不到今日的來臨?這便是時移「勢」易了!

當然,會計師有點不同的是沒這麼好的命,依靠大陸才不過這四、五年的事,但放眼將來,只怕四、五年也未必撐得到。不過另一點不同的是會計師可不像高排放(污染)的工廠那麼矚目,不大像會由政府以行政手段以雷霆手段踢走而只會被市場慢慢陰乾...

無論說話多麼動聽也好,實力不夠的會計師也只有聽的份兒。好聽歸好聽,包袱還是要執的,黃太守的言論實在令人忍不住會心微笑!

7 comments:

  1. 老人, 小弟有睇開你個blog,你會計經驗豐富,希望可以俾d意見俾小弟,小弟係樹仁會計四年級生,聽d師兄話qp好難,特別係last個份,有d人幾年都pass唔到,所以想系finalyear join acca,先考幾份,第日先考返去qp,但d人話如果你有degree最好考qp,又話acca認受性不足
    自己知自己事,樹仁人去big4根本impossible,所以想考acca 增取去2-tiers
    希望老人能指點迷津...

    ReplyDelete
  2. anonymous兄:ACCA都唔係易,QP同ACCA Level 3根本係同一級數既考試,同ACCA大戰多年的大有人在,唔信你可以睇下佢既合格率。再進一步既,你可以睇下佢地既past paper先再選擇。但對degree holder而言,尤其加埋日後入會點都覺得係QP直接少少(你睇我之前都只係推介非學位持有人考慮ACCA)。

    樹大都有人入到EDPK。當然唔會同你講機會好大,不過照申請無妨。得左就當然好,唔得就當練習interview,有得報點解唔報?

    以前(十幾廿年前)的確好多讀緊書的人考ACCA,但近年已經算罕見。雖然內容有七八分似,不過公開試同校內試的形式點都有唔同,講白D就算內容識都係要分別操,如果顧住考公開試而拖低GPA唔係一個明智做法,而唔好講你畢業時已經可以有exemption入QP or ACCA Level 3,對搵工而言亦唔會有太大分別。你而家應該做既係努力谷高成績、多搵人同你練interview甚至操aptitude test。

    ReplyDelete
  3. EDPK?ED咁嘅PK! XD

    講開又講又懶平心而論
    當年港商不止帶入了資金及管治經驗,同時亦帶入了"港式風格"及就業機會,十足十"中國資產階級化先行者"
    如今被人咁樣抽板法
    只能講一句"十年河東十年河西"....

    ReplyDelete
  4. 老人,多謝你既意見

    ReplyDelete
  5. 其實我見內地既audit report 都比香港做得好...不論內容真實程度有幾高.真係似行ifrs...香港d會計師真係追唔上呀

    ReplyDelete
  6. 老人...我想問香港會計行業係咪冇咩前途呀??

    ReplyDelete
  7. 幹探兄:算啦,對你我唔想再講! XD

    anonymous兄(1):Welcome!

    anonymous兄(2):這是Conduct問題,與功力無關,但香港豈無老鼠屎、內地難道又是個個有問題?

    anonymous兄(3):現正推出會計FAQ系列,敬請支持!

    ReplyDelete