Friday, July 11, 2008

師說

看了個令人相當反感的帖。反正花了時間回應,不妨在此重貼。


不少會計師行都有相當有趣的傳統:不教而誅。一邊叫新人邊做邊學,一邊"睇File"(Review)時大罵「咁都唔識做?這又錯那又錯,請舊叉燒好過請你!」。可能是所謂媳婦熬成婆吧?會計師們每有機會炫耀自己的博學便會進入亢奮狀態,彷彿當年他入行時從不犯錯似的。

當某位仁兄在討論區會計版連出兩帖,訴說初入行者如何不熟悉,所謂大學生實在浪得虛名。當然,大學生未必是品質絕對保證,但以兩名畢業生作樣本概括每年二萬畢業生固然有點那個、以指責新人以顯示自己高明更不見得有什麼值得炫耀、以此在網上宣之四海更令其風度值得討論討論。

在該帖回曰:

"會計總算是撈偏門:不是跟政府作對(Tax Plan)、便是破壞自然資源(影帝)、或是年年拿住盤桔...不對,是拿住盤數問人拿錢。雖然已非身在會計界,但一日撈偏終生都難以算係正派,正如做十年還是一日婊子也是婊子,貞節牌坊是今生無望,故有空都會教打鬥(武術)為生。

初學既學生俗稱「企都未識企」,真是一搭隻手都能飛左出去。別以為粗壯、力大、練習其他運動便能克服功力不足,武術完全是另一回事:天生條件再高與食過幾年夜粥者中間有道不能誇越的鴻溝。可能受《三國演義》中關公「傲上而不忍下、欺強而不凌弱」影響,倒從來沒對新人下重手:打贏新人是十拿十穩的事,但欺負新人相信沒什麼朋友覺得有啥了不起,背後罵是懦夫的可能性反而比較大。

對新人頭幾年真係要循循善誘慢慢教導,到三兩年後壯一點、識多一點才敢認真發勁,但就算發勁亦不是要發泄威力,更不是向新人炫耀有何本領,只是不試勁學生地根本不到。說白一點,循序漸進打佢都只為令佢學到。

有人說「如果冇學生叻得過自己,個教師就係失職」,可真係至理名言!如果自己學生被人打到面青鼻腫完全是我的恥辱!雖然內心係有矛盾:固然想學生有所成就,,但面子上總不想被學生追過,但應付方法似乎唔係打壓學生自信心,亦唔係留招唔教,而係自己更加努力自我進步。

可能老頭冇志氣:教過幾年的學生對我仲有份尊敬時已經覺得好有滿足感!雖然享受唔到樓主(那位會計仁兄)以「建基於早人幾年入行而得的知識」痛揍新人的快感,但人各有志吧!這種快感不是我所追求。 "


再一次點唱"The Greatest Love of All",向真誠為培育新人者致敬!

8 comments:

  1. 老版主, 你首The Greatest Love of all 很多人都受之無愧, 只有真材實學的前輩, 才不用向後輩評頭品足, 指三道四, 一如潑婦罵街。

    ReplyDelete
  2. 老豬, 條友擺明硬膠, 唔駛咁認真wor

    ReplyDelete
  3. 行頭入面越多所謂紅褲子,就越多呢 d 言論.憎人富貴厭人貧嘛.見到 local 年輕大學生咪小九人囉,見到我地呢類又串又惡又年紀大既老屎忽咪笠水.

    ReplyDelete
  4. 難聽講句,今日個 c-eye 大一大,把口臭到嘔嘅老嘢,當年做新丁有邊個唔畀人插到後欄標血吖。只不過媳婦熬成婆,習性使然(姑且唔話係民族性),冇得救0架喇。

    ReplyDelete
  5. 老版主, 其實我睇左你的post 好耐,覺得你地會計行業一針見血, 我一直想知道呀, 你依家轉左咩工作?

    ReplyDelete
  6. 抱歉, 打錯字, 是老人你對會計行業一針見血

    ReplyDelete
  7. Wyjimmy兄、michinegungun:話口未完,今日又有;

    死肥仔兄:紅褲子冇所謂,只係而家大學學位氾濫,覺得冇學位正面對策係讀個番來,不過好多寧可自己唔向上、轉而踩低人;

    kaka兄:都是騙錢的行業,雖然沒會計陰騭。

    ReplyDelete
  8. 若缺齋老人

    見識過你另一篇關於倫大的文章, 得到很多資訊, 謝謝。 今日去了SPACE 搞的倫大開放日, D staff 話昨晚收到消息, 話由今年開始倫大頒發的certificate 及transcript 會沒有External 個字, 連External 果句野都冇埋, 只係有University of London。 老頭兄有冇興趣再入返去讀下書呀? 笑。

    ReplyDelete