Tuesday, August 05, 2008

會考肥了怎麼辦?

曾說「香港大學學位從未不足」,這可不是風涼說話。若單以八大UGC-Funded學位而言當然是少了一點,但若計入供應量無窮無盡的的公開大學以及倫敦大學校外學位(University of London External, UOL),大學學位何曾不足?


看過《自述》的朋友都知老頭自己也不是什麼精英:會考失敗過、被人踢出校試過、說完「英文」被洋鬼子目瞪口呆看著更是家常便飯...現在不敢說是成功,但總算在中文大學畢業、入讀「假博士」(Juris Doctor, JD),能在紐約市街頭跟洋鬼子以鬼話對罵。雖跟精英差了十萬八千里,但無論學歷還是英文在香港總能稱一句不在平均線以下。

若說易嘛,當然不是坐在這裡等運到;但若說難嘛,這也不是登天的事,只是事在人為。根底差勁要走得比別人辛苦是理所當然的,說穿了,只是兩個詞而已:「不放棄」與「踏實」。

現今的小朋友比當年幸福多了:莫說當年沒什麼副學位,資訊亦遠沒什麼發達(以互聯網知道UOL是就讀大學年代的事)。當年會考失敗後若要再升學,若不走高級文憑(當年香港沒Top-up Degree概念,HD上本地大學學士學位比今日更難)便只有老頭選擇的留級。今日聽到就讀副學位的人抱怨入UGC-Funded學位不易、甚至大罵騙人者,可有想到自己本已是遜人一籌、副學位已給了你第二次機會,你若仍不能好好把握豈應怨人?

友人提供數字曰副學位升讀八大學位大約只有兩成,第一反應是"So what?",以會考十萬考生而言最終以JUPAS升讀大學者也只是兩成,難道說會考也是騙人乎哉?土一點說,幸福需自己爭取,證書固然重要,但也要有跟證書匹配的實力,即使香港大學來個百年誌慶證書大平賣,一手交錢一手可拿香港大學證書又如何?一旦工作是便知龍與蟲,若欠缺真正學習過程、學問即使手持港大證書也是被人兩山字疊起曰出,到時不怨副學位便來怨香港大學了。

看官可能覺得上了年紀的人真愛講耶穌,具體一點又如何?就直入正題:若會考成績不佳,既不欲立即工作、亦不用留班者,要得到正規教育、認可學歷時副學位的確是最穩妥的選擇。

當然副學位只是踏腳石,最終目標也是升讀學士。除香港大學、城市大學出名對自己副學位比較照顧、IVE最有傳統地位外,一如文首所言公開大學與倫敦大學早已為所有人「封了蝕本門」,大不了轉到這兩所大學完成學位學位而已。公開大學是政府明言認可、倫敦大學舉世知名,選那一個作最終歸屬也不會是錯誤選擇。

於是乎,選擇副學位時,若能直接進入八大學位當然好,但退一步說,先考慮被公開大學、倫敦大學豁免學分者「以防萬一」當然更好:

公開大學學分豁免

倫敦大學對香港學歷認可情況(第二頁)

也不是專偏頗這兩所學院,只因除八大、樹大、珠海、教院等外公開大學與倫敦大學實為香港能就讀者最受認可、地位最高者。以事論事說句公大一定氣得直跳腳的:公大學位雖然值得考慮,但副學位則未必:若在收副學位較多的港大、城大就讀副學位,進可搏升讀港大、城大,退才考慮公大、倫大似是更明智選擇。

34 comments:

  1. 小詩正係半個人辦
    結果如何兩年後報告老頭你

    ReplyDelete
  2. 哇, 老頭子又一篇博。 我就覺得既然選公開大學, 倒不如選倫大, 倫大比公開大學出名。

    ReplyDelete
  3. 我9分
    入左港大副學士先修課程
    跟你說的差不多
    到時話個結果給你知
    最重要的當然係要努力!!!!!!!!

    ReplyDelete
  4. 若老兄又再苦口婆心,真的不可多得。

    不過香港人慣左怨天怨地怨特首,想佢地改變都幾難喇。

    ReplyDelete
  5. 如果由會考到JUPAS 應該無兩成

    ALEVEL 考生入到JUPAS 都只係大約30% (+5% / -15%)

    如果咁計的話, 會考上到JUPAS 的無乜機會兩成...可以都只係得成半至一成左右

    ReplyDelete
  6. I misss you hehe, you know who i am
    i will talk to you in midaug again, i have been quite busy with things lately :P

    ReplyDelete
  7. 老頭先生所言甚是,我前年會考1分,決定拋棄一切到澳洲流浪一年,之後拼死讀了一年預科,考進了北京的中國政法大學讀law,回看真是只有踏實努力才有翻身的機會!

    ReplyDelete
  8. 若老頭一言醒我夢中人, 在下會考兩年仍然失敗告終, 不斷Problem-oriented thinking, 最後煩煩煩煩煩都沒結果. 好一句"So what!?", 定了去路就要去走!

    ReplyDelete
  9. Repearhk兄

    小詩當年會考有超過7萬個日校考生,中七果年但大學學位得一萬一千個,所以一定無兩成。

    近排同位同學仔想寫D non-jupas,傾傾下發覺AD/HD都係死人堆搏復活,ugc係最高得50%(以小詩讀果科AD來計),平均來講有25%已經謝天謝地。

    我建議果班會考低分o既朋友,你家山有褔的話不如去帝國,不列顛或者袋鼠國讀書。或者考人地D大學試再返來,呢個屈洋人機o既做法,絕對符合香港眾大學崇洋媚外o既口味。

    ReplyDelete
  10. 補多腳,無錢o既朋友可以考慮去寶島努力坐四年,然後食獎學金去帝國讀博士,都係一個方法。

    ReplyDelete
  11. 若老兄你好,小廚首次留言。請多多指教!
    小廚都同意若老兄嘅看法,香港升學出路真係好多,記起以前小廚一係留級,一係TI。依家嘅小朋友幸福多了...
    小廚也不是好東西,會考失敗得10分(英文肥左),被人踢出校又試過(係袋鼠國讀大學嘅)。沙士其間,經濟環境轉差,以前大都數工做唔長,人工低。加上自己個時又未讀完大學,找到份叫合理嘅工的條件都達唔到...直到找到份上市IT服務公司做。發覺好想如何補番過去的時光,那麼,讀完個海外Top-Up學位課程兼發奮工作。到依家讀緊本地碩士學位,此外,為公司轉虧為盈,成為德勤頭五百強IT公司。
    人生是好多選擇,只有努力發揮自己的才能,未來便有希望。若老兄嘅「不放棄」與「踏實」,我認為正是這意思。
    正如魯迅所言: 『上人生的旅途罷。前途很遠,也很暗。然而不要怕。不怕的人的面前才有路。』

    ReplyDelete
  12. 嘿.....
    我連去big apple街頭嘅機會都冇呀!!

    ReplyDelete
  13. 以上奮鬥中既朋友:Good luck!

    余老兄:想怨就怨飽佢吧!於事無補既後果係「動口」不動手既人承受;

    Reaperhk老兄:約數而已,若假設所有人都有考會考,入大學比例應為略低於18%,如果唔寫包單你一定入到就係搵笨既話,最大騙局唔係副學士而係會考;

    幹探兄:當然,帝國東西岸大不相同!西岸相撲手橫行,加州理工更是無鹽族聖地;但東岸...嘿嘿,老實說真是通街睇女仔!老頭無牽無掛也還罷了,你老兄想去叉梨小姐放心乎?

    ReplyDelete
  14. 今年會考生約有11萬人...而大學學位則只有3萬多個,當中約有一半留作非JUPAS收生,換言之只有不足15%的會考生可以經JUPAS入大學!相對而言,副學士升學士的比例已經略高。個別大學的升讀比例甚至高達30-40%!當然,最重要如老頭所說,副學士只是踏腳石,若沒打算升學士,不如直接投身社會,無謂浪費時間、金錢。

    ReplyDelete
  15. 若老前輩:

    晚輩(對不起, 上次忘記表露女兒家身份)不才, 最近寫了兩篇:講中五中七升學, 其中講升學篇曾引用您和一些討論區的資料(很多, 但零碎得行), 所以先聲明也; 自知沒有前輩如此見多識廣, 但亦痛恨不少學店sales不斷誤導學子讀一些所謂政府認可進修課程浪費金錢, 完成課程後其實得不到認可資格, 所以寫篇絀文希望中五中七生可以小心選擇。 敬請若老前輩多多賜教, 如有不當, 懇請指正。

    又, 講番自己會考的經歷, 其實行了不少彎路, 但總算慢慢上到學士之路(雖然係申請修讀本地大學進修部之海外Top-Up學位課程)。所以現時的中五中七的畢業生, 比起我們(早至少7-10年)就多了正規途徑升學了。

    >>一旦工作是便知龍與蟲
    若然工作態度有問題和技巧不足, 就算學歷幾勁都無用, 僱主未必聘請的(晚輩從事人力資源的, 略知一二)。

    此外, 容晚輩補充一點, 倫敦大學校外學位由於以考試(肥了的話就要等第二年)定生死, 必須努力讀書, 所以要考到二級榮譽亦不易為。

    ReplyDelete
  16. 有事想請教你老人家...

    本人今年中七畢業
    full cert但未能jupas入大學...
    而家CCCU既ABA同樹仁既E&F都收我...
    三姑六婆們同老師都建議我讀樹仁
    都係果個原因:樹仁讀得點衰都有學位,asso有機會升唔番
    但我本身又唔係咁想樹仁

    睇完你呢篇文章
    我又覺得有機會搏一搏asso...
    唔知你可唔可以比d意見我

    ReplyDelete
  17. Rex兄,

    嘩...乜有咁多俾non-jupas食左架?不過好似益左內地生多過我地班副學士....

    ReplyDelete
  18. 在下不久之前先留意你老人家既blog

    有一個關於前途的問題想請教你

    而家好多人都走去讀BBA
    我對呢科本身冇咩特別大好感
    我淨係對history同finance有興趣

    我第時其實想做偏向 金融分析之類既工作(eg i bank)
    但係我本身讀文商科既
    就算想入偏向數學個d系都入唔到

    淨係入到普通BBA finance個類
    如果真係簡 UST BBA fin好d
    or city fin enginee
    定係簡我可以拎到更高GPA既CU history
    但係我怕唔係數學或金融專科畢業
    做唔到偏向計算個類金融分析既工作

    求教 因為我真係乜都唔識

    ReplyDelete
  19. anonymous兄:應該係用非常自私、但人不為己天誅地滅既方法:先入樹大再搏transfer;

    秀虹兄:要入大公司的確不限major,但閣下若限定要financial analysis職位便非數底不可 - 數底者,不限於Finance,亦包括科、技。然而,若如你所說修讀文科而數學底子差,為何要染指financial analysis?即使請了閣下做得來乎?

    ReplyDelete
  20. 若老前輩:
    多謝你的回應
    不過我係度講多d我既實際情況
    其實我個人都幾多興趣既
    最鐘意就係history econ同埋有關投資個d野(不過歷史就係有興趣研究下 但又唔係想做呢樣野)
    不過第時做就真係想做投資個邊
    本身數學個資質都算中上既
    不過就簡左文商科
    但係正如你老人家所講
    做我有興趣個方面既野99%要讀數
    所以e家諗緊考完之後 自修amaths同pure maths 第二年轉科(我見呢個方法都有人成功過 不過係咪好難呢 我都唔知)
    又或者係讀econ finance個d副修數學

    但我諗緊做finance係咪都係讀番finance好d 而唔係maths

    請你老人家俾d意見 又麻煩到你唔好意思

    ReplyDelete
  21. 秀虹兄:Major Finance定Maths的確都可以(甚至Econ的入UBS都識一個),問題是香港的大學收生非常麻煩,這點想來你也知道。Finance多數prefer P.Maths/M & S,Maths更是非P. Maths不可。

    但總不要期望太高,即使香港三間大學每年入1st Tier I Bank的各自都是屈指可數,而且問題是,何以你對I Bank有"興趣"?

    ReplyDelete
  22. 多謝你老人家的回應

    其實我都唔一定要i bank既
    我都知ibank好難入,而且好辛苦

    簡大學科一係就興趣一係就能力
    而我既興趣就係歷史,經濟,金融,哲學

    但係講到金融分析工作一定要係讀數方面既野,所以先考慮讀金融方面既科,其他興趣我反而係鐘意睇多過讀

    怕就係怕讀左其他科遲d連試既機會都冇
    -0-
    仲有野想請問你老人家
    bba(finance)會perfer P.math more?
    我本身讀開econ acct geog.....
    以CE Al計都入到科大bba ga..
    係英文好危險=.=
    未知有冇其他更好既選擇呢
    eg city finance ee?finance?
    or ploy finance s?

    其實打左咁長 我都覺得我篇文好似搞到我淨係想入finance咁

    其實我都諗好簡其他科既choice
    之不過仲有d 5050咁姐
    其他科反而冇呢個問題
    (因為入到去讀d野同到時做既野都冇咩關係-0-)

    ReplyDelete
  23. 咁如果以這呢兩間大學作比較---公開大學及倫敦大學校外學位(University of London External, UOL),邊間會得到外界多啲認同???

    因為本人想修讀degree,但又唔知揀邊間好.謝謝!!!

    Charming

    ReplyDelete
  24. 秀虹兄:視乎Programme,如中大QFN一定要Pure Maths,但BBA則未必。提示:I Bank請人非常注重校名;

    Charming兄:邊一科先?

    ReplyDelete
  25. 若老前輩:

    我應該要分開兩樣講:

    1)翻譯:應該揀公大(讀完有degree)還是港大校外(沒見有degree)???
    2)我見港大校外有英國文學修讀,而且亦有協辦倫敦大學校外學位(University of London External, UOL)的某些課程,不知你何看法???

    Charming

    ReplyDelete
  26. Charming兄:如你所講翻譯只有公大有兼讀學位;英國文學方面Space並無學位吧?若要染指London U可要有自修的心理準備,若論質素London U學位當然好。

    ReplyDelete
  27. 謝謝你的解答.

    Charming

    ReplyDelete
  28. 不好意思,我想問多個問題.除咗可以在公大修讀翻譯而拿到degree外,本港還有邊間大學的校外課程,讀完翻譯後拿到degree呢?因為本人只有中五程度.

    Charming

    ReplyDelete
  29. what if i get abt 14 marks in ce, should i still go for sub-degree?
    what's the difference b/w hku/cityu ones and UOL ones?

    ReplyDelete
  30. Charming兄:唔多覺,如單求學歷而非學習過程或可考慮CIOL考試;

    Anonymous兄:Local U vs Distance Learning;

    14分若不走AD/HD,選擇傾向較不重視會考者如城大等。

    ReplyDelete
  31. 若缺齋兄 如果中五學歷, 以成年學生身份, 想2-3年完成degree, 有什麼途徑呢

    southern cross同rmit 名氣如何?
    london u ext 我有資格報嗎? open u 時間太長

    ReplyDelete
  32. gogohit兄:RMIT比南叉出色很多,一兩年不應介意,質比一兩年重要。

    ReplyDelete
  33. 缺齋老人!!!我是今年的DSE人,,,正擔心 engine 出路差,又不知自己是吾否真能上大學...

    得你跟紅頂白等多文說教,,,明白 "我走我路" !!!!

    ReplyDelete
  34. 如你們去過外國便會知,外國人想讀大學便可以讀。 只有香港才有人為「進不到大學」而哭。 真 fucking A 太老土了……

    ReplyDelete