Tuesday, September 09, 2008

只怪你們不投票?

原本盡量避免提到選舉議題,畢竟政治話題是累人的,但對於選舉過後一個說法不吐不快:雖然會跟幾位朋友意見相左,但老頭向來習慣是和而不同,即使對著年高德韶、挾加州理工大博士榮銜的narius老叔叔也有「吾愛叔叔、但更愛真理」的爭辯之心,對這話題更不應默不作聲了。


公民黨在西九的毛婆婆、會計界的報稅譚落敗後,有聲音曰只因兩者投票率只在四成半/六成半,故不出來投票者應為她們落敗負責。

姑勿論「不投票」本身也可以是一種表態:無一候選人符合,那基於如果不投票者出來投 -> 投公民黨候選人 -> 獲勝的推算更是不大準確:這分析只能建基於「不投票選民都是心向公民黨」這幾乎不可能成立的假設下方可成立。但閣下認為毛婆婆/報稅譚好得不得了,絕不表示不投票者你心意相通:不但可能認為毛婆婆/報稅譚不比其他候選人高明,若強逼他們投下一票更有可能投向毛婆婆/報稅譚的對手,令這兩位老太太輸得更慘!當然坊間亦流行說老左有的是鐵票,憑良心說老左鐵票當然有,但公民黨鐵票豈會少?

與其責怪不投票者,不如想想何以毛婆婆/報稅譚動不了不投票者的心!

12 comments:

  1. 『與其責怪不投票者,不如想想何以毛婆婆/報稅譚何以動不了不投票者的心!』

    非常好的一句! 道理真的簡單不過, 你唔打好呢份工, 或者我睇唔到你有咩表現, 選民點解要揀你? (雖最後我處男票都係比左C9)

    口號與概念做賣點的時代過去, 如果港島何女仕呢幾年又係混飯吃, 四年後相信一定冇飯吃!

    ReplyDelete
  2. 我更討厭所謂泛民的虛偽:整日價話左仔鐵票勁,又話左仔功能組別壟斷,但係佢地咪一樣動員鐵票(法律界、教育界兩位在位年間加埋就嚟可以與在位時間特長之皇帝相比)?仲有,今年又指左仔配票,但事實出嚟玩分拆名單配票玩得最勁嘅原來就係泛民!!呢啲"賊喊捉賊"所為真係令人髮指!!

    ReplyDelete
  3. 「當然坊間亦流行說老左有的是鐵票,憑良心說老左鐵票當然有,但公民黨鐵票豈會少?」

    我自己也持相同的看法, 通宵幹探的comment我也十分認同

    公民黨真厲害, 我只見facebook有「民建聯真無恥」但永遠不會看到「公民黨/民主黨真卑鄙」

    ReplyDelete
  4. 我9月8 日果晚睇到訪問陳偉業, 佢都話:新界西排第四五位(泛民)都嗌告急, 係咪有點哪過?

    其實睇到佢地泛民個文化係D 乜? 我冇證據話佢嘩眾取寵, 但虛偽真係當之無愧...

    老實, 我係選葉劉, 我知佢贏梗, 我想谷比史泰祖上, 可惜...

    ReplyDelete
  5. WYJIMMY難得有勇氣講自己選邊個
    而家上網話自己係親建制派
    真係唔知有乜後果
    好似hkgolden咁
    基本上係唔容許任何質疑社民連嘅聲音
    少數"異見"(其實只係中立意見)動輒俾人扣紅帽子甚至粗口對待.....呢個"只有我插你,永冇你出聲"嘅做法,令香港越來越似"民主的台灣"......
    癲狗開到聲話左入嚟係"為反對而反對",作為納稅人,我更覺得剛剛收嘅稅單,係要我俾冤枉錢養埋呢啲垃圾.....

    ReplyDelete
  6. 回通宵幹探兄:
    香港討論區個立法會討論都係咁, 邊個選親葉劉就對佢下一代唔住嘛? 算吧啦... 我好似特首咁, 視言論如浮雲也!

    ReplyDelete
  7. 我在第二個BLOGGER 中有一篇回應, 都是關於我投票的心態, 即管轉載過來:

    今次, 你可以說我是支持建制派, 但因為外傭稅問題, 始終部分泛民, 如李卓人提出賓印泰傭等都可以投票, 要將外傭稅"回歸"外傭, 在我們的小小"假中產"來說, 真係天方夜譚, 我都投唔落手...

    我政見與你是不同, 我有兩張選票, 都沒有作空白票, 我亦對泛民大多數沒好感, 但不得不承認, 你講既係事實, 而家很少人知, 毓民係珠海大專教學位的教授, 教政治已多年了, 但佢都毫不避嫌, 沒否認攪電影向姓朋友係佢老同學及死黨, 比起大學內很多衣冠楚楚, 道貌岸然, 但教書不負責, 唯親是用的教授, 可取得多...

    很希望泛民不要為口號而口號, 多了解各階層的問題, 中產其實不一定支持豉油黨, 政府定義我們中產家庭月入一萬五千, 大文兄, 家庭收入一萬五千當然比很多人好, 但你在香港生活都知, 小朋友幼稚園動輒兩三千塊學費一個月, 租, 水, 電, 煤, 交通都那麼貴(這個政府真是有問題), 三口子拿著一萬五千塊, 未必會比拿綜援的富裕? 如果還有老人家, 又沒公屋住, 那....

    如之前所講, 請工人, 因為要照顧小朋友, 當然係計過數, 父母是但一邊唔做, 只會更糟, 至迫於無奈要受外傭氣, 被不公平惡法欺負, 我們不是拿工人的勞力去賺錢, 什麼我們也包了她, 但你知否法例對我們有多不公平?

    你意指葉劉唔好, 但由上年到而已, 泛民有幾多人出黎幫我地廿四萬外傭僱主家庭? 係家庭! 我地為數可能過百萬, 佔香港七分一人口, 只不過我們假日要放工人假, 他們有空
    去遊行, 我們坐在家中湊仔, 我們不是不想發聲, 真的有苦自己知! 只有葉劉, 由始至終幫我地安排, 向政府申訴, 大文兄, 我們還可以有選擇嗎?

    但在會計界, 雖我真係唔鐘意譚香文, 但我更唔鐘意陳茂波, 正所謂兩害取其輕, 我都投了公民黨的譚香文, 結果佢自己不濟事, 四年內沒建樹, 敗了, 這也是與人無尤, 我們會計界都 有 6 成人投票, 總比很多功能組別團結, 當然, "鐵票"的確很厲害...

    "中產"其實並不是真正"中產", 你都算係"中產", 可能你未成家, 不要以為豉油黨給我們"中產"很多支持, 他們只是被商家佬牽著鼻子走的一群, 壓根兒沒理會過我們"中產"的權益, 那 樣, 我們"中產"在光譜定位便很模糊, 說穿了, 出來選的什麼人, 也不是幫我們的..

    所以點解中產唔出黎投票? 因為真係冇人可以投, 邊個投, 我地都係死路一條!

    ReplyDelete
  8. 要是今年有權投票的話
    我想我會不投票
    因為沒有一個可以令我信服



    P.S. 希望他在這四年會有所建樹, 不要再重走她的路

    ReplyDelete
  9. 別忘記了親建制派月餅,派米,有啲樓宇係同佢哋有關係,係佢哋先有得貼,仲有佢哋有的錢如同無限,咁嘅鐵票係用錢買返嚟,係唔同期他黨的

    ReplyDelete
  10. "If voting changed anything, they'd make it illegal." -by Emma Goldman

    Anyway, I'm sticking with my all-politicians-are-useless policy, so no voting for me.

    ReplyDelete
  11. 豉油黨的下場突然令人想起小平同志名句:「小朋友不聽話,便該打打屁股」~

    ReplyDelete
  12. From my point of view, I don't think that voting could me a difference to our society. As the legco can't do its function properly as in monitoring the government. Therefore no vote is the best option to the current situation.

    ReplyDelete