Tuesday, February 17, 2009

苦口卻是良藥

對於讀書聽過兩個看似相反的說法:其一者如馮嘉耀(香港中文大學商學院)所言「你估我真係識好多野?只是需要時我知道如何找、以及找到資料後如何應該而已!」;另一如練乙錚《從「死記硬背」之樂談起》(信不信由你報2009年2月14日)所言背誦在所難免;


雖然說法看似不同,但兩者絕無衝突:馮嘉耀所言者在於學習目的不在令人變成記憶體而在分析能力:即使將所有報章以至統計署年鑑背到一字不漏亦不會成為公共行政學家;但練乙錚所言絕非錯誤:在文字功夫上欠缺背誦訓練絕難掌握!

可能是生於同一年代,與練乙錚求學時一樣老頭在敝祖母監督下自三字經、千字文、成語考背起以至古文評註、唐詩宋詞,更巧合的是當年初中竟跟練乙錚一樣有將詞典當書看的習慣!當然老頭不通英文,所看者乃中一時學校要求所有學生買的《商務新詞典》:雖然內容並不深入,但勝在輕便下作閒時消遣絕對不賴!這習慣亦保留至今:閒時會在維基上左看右看。當然維基資料未必絕對準確,但無論詞典還是維基這類入門級資料的作用正是令人有基本認識後,有興趣時可作深入閱讀的起點。

相信如練乙錚一輩者都會同意學習中文(相信英文亦然)背誦是免不了的訓練,亦可能是現今年輕一輩者在語文上吃虧的主要原因;看官讀到這裡可能會想那馮嘉耀所言豈非廢話?非也!分別在背誦是訓練過程而分析應用是目的,背誦並非用來炫耀能將大量資料塞入腦袋,而是儲備養份用作將來應用;反之分析能力不是憑空而來,欠缺基礎訓練的並非分析而是紙上談兵:有如搏擊一樣欠缺基礎訓練而直接送上擂台是找馬克思同志的捷徑、但單單每日花上十小時作跑步跳繩打沙包等基礎訓練並不足以成為好拳手:兩者絕無衝突而在於目的、過程中的不同。

背書自然是痛苦、單是背誦而不懂運用自是笨拙,但現今中小學將背誦棄如敝屣、相反在高中、會考考試卻流於背誦評分標準簡直是對學子雙重摧殘!

10 comments:

  1. 記唔記得我寫過類似嘅野?睇書、新聞等等表面睇來睇完就算,但有啲野到你要用果陣就會彈出來,唔夠資料就再去搵,有條目易搵好多。

    而我哩啲讀中史背書出身的人,對文字的記性總係會強啲。

    ReplyDelete
  2. 以佛學打個唔係好貼切嘅譬喻
    ROTE LEARNING好似顯宗咁,好似好悶又長時間又盛,但係係要有修為唔能夠唔修
    至於直接分析唔記野就好似密宗咁係進級班,少啲底(顯宗)都唔得掂
    所以兩種學習方式只係一個硬幣的兩面
    冇話互相排斥喎!

    又,而家啲娛樂圈個個對大寶法王趨之若鶩
    但係又有幾多人識得何謂密法?而又知唔知密法啱唔啱自己?呢啲行徑,唔叫迷信都唔得.....

    ReplyDelete
  3. 我呢...一世人最怕背書,會考唔背、大學唔背、專業試都唔背,所以高分永遠遠離我....

    ReplyDelete
  4. 昨晚881的光明頂也談到學生不再需要抄筆記這問題,為了符合所謂"高教學質素",現在很多老師喜歡用powerpoint做教學工具,課堂後只要打印出來,學生便有notes不用自己抄了. 學生不通過自己抄寫,何來將新知識融會貫通?香港教育真係...

    ReplyDelete
  5. 比起教育政策,令香港學生語文質素低下更重要原因是教育學院大量生產低質素教師荼毒學生吧?

    ReplyDelete
  6. 教師質素參差固然是一個主因,語文政策朝令夕改把學生當白老鼠做實驗,其影響更為嚴重呀.

    ReplyDelete
  7. 我贊成背,但依家d教改最終目的就係要將學生變做虛有其表既文盲!

    老實,以前細路仔讀書背落既野,到今時今日仲係有用,真係要多謝當年背得多!

    ReplyDelete
  8. 正所謂:熟讀唐詩三百首,不會吟討也會偷。
    正如『床前明月光』當年都唔知點解,老師解完都唔明,但最起碼人地問李白係乜水,做過D乜,都可以學人拋下書包,將來溝女都易D。

    ReplyDelete
  9. 點解各位講野咁高深既? @@

    ReplyDelete
  10. >>比起教育政策,令香港學生語文質素低下更重要原因是教育學院大量生產低質素教師荼毒學生吧?

    需知道大學教育係香港依然係少數人先可以有, 再加上時間有限, 好似之前美國篇文有人講, "唔需要知既野自然唔識", 即使係語文老師都未必樣樣識. 我自問就算讀多個中文教育學位, 我都好難保證改中學生作文唔會錯(我冇文學底子, 好少寫作), 又何況係只得partial knowledge既英文

    莫講教院, 三大既語文系學生, 你都可以估到佢地生活同好多其他系既人差唔多, 往往唔可以好似法/醫科生咁勤力讀書(尤其因為讀少d都會唔掂), 可能要做assignment, test, mid-term, 可能要做part-time, 要上莊, 要識仔/女, 有一百萬個學唔好語文既原因, 自然都有一百萬個教唔好語文既理由...

    我唔相信有咩人可以一日睇書睇到黑, 考到個語文教育學位, 然後就做到好(語文)老師, 畢竟好多人連睇書既時間都負擔唔到...

    ReplyDelete