Thursday, February 26, 2009

耀眼光輝非吾願

熟悉中國詩詞的朋友相信都知道古語「紅顏」所指的是青少年而非今日普遍所指的「美女」,例如陳希夷名作中提到「此翁白頭真可憐,依昔紅顏美少年」;當然,在今日普遍將紅顏專指美女時若仍頑固地用來形容男性難免令人發毛,但關於紅顏薄命都是大文豪柏楊先生說得好:紅顏未必薄命、薄命未必是紅顏,但紅顏薄命總更令人傷感,即使身為男性,想起陳百強、張國榮其壽不永也會有點可惜,昨晚與友人說起西方另一位早殞的俊男歌星John Candy亦難免唏噓:




John Candy早於43歲便一睡不醒自是英年早逝,當然生老病死是人生所必經,但關於病一半可能是天意、另一半卻可能是自招。當然相信世上不會太多人閒時便想病上一病繼而賣咸鴨蛋,但生活習慣以至人生價值觀絕對會影響健康;

回想只是短短幾年前,當老頭還在會計界時眾會計行僱主眾口一詞曰會計師行皆是以人為本、絕無要員工加班工作到夜半這回事,誰知2006年初KPMG世界主席Eugene O'Kelly為業界投下一枚重磅炸彈:在其書Chasing Daylight裡大歎捨生忘死的工作引致53歲便得癌症如何不值、享受人生最後一百日何等美妙...一時會計界頓成一鍋粥,眾僱主破口大罵Eugene O'Kelly臨賣咸鴨蛋也害人不淺、憑其令人難以質疑的身份居然承認會計工作時間長得嚇死人;

正當會計師行僱主們好不容易才想到推說Eugene O'Kelly只是世上唯一一個例子、世上會計師以百萬計,總不會如此容易落在自己頭上來安慰員工,上天卻好像要令會計界多受考驗:未幾傳媒竟大肆報導睡眠不足、半夜工作干預生理時鐘會增加癌症機會,正正將千辛萬苦才想出來的託辭完全封殺!

(請留意:只是說"增加患癌機會",絕對沒有說OT者必定出事,身體健康的你可沒有到醫學院要求退錢的權利!)

由醫學院推出來的說法一時令眾資深會計師語塞!既然在物質層面上連受兩重打擊後欲振乏力,唯有在精神層面上多作教育,云只要捱幾年後不但薪酬可能變好,而且工作是神聖的,能在豬肉枱*上掛掉跟在戰場上衛國獻身的戰士一般光榮;而且諾曼第灘頭上為推倒極權的盟軍勇士也多半只有二十來歲,人生在於意義而非長短...

最後一個說法與前兩者不同的是完全屬於價值觀問題:的確為工作殉職是值得敬佩的,每當讀到The Longest Day時盟軍勇士不畏凶猛的克魯伯炮火在Omaha灘頭上勇往直前繼而捐軀的確是令人崇敬;但既然是價值觀的問題可是見仁見智:雖然對勇士(即烈士候選人也!)無比景仰,景仰跟仿傚卻完全是兩回事,膽小的老頭於2006年退出會計界...

我認!我是懦夫!

* 豬肉檯並非指街市肉店所見者,而是會計師行裡年資淺的員工未必有自己座位而須與同袍「分享」的工作用大枱。

感謝吾友火宅兄為撰寫本文提供協助。

9 comments:

  1. EY不是說不許員工加班嗎? 早年曾有一個類似新聞透視的節目訪問過,鏡頭前partners還趕員工回家呢!

    ReplyDelete
  2. 柯秩小師妹2/26/2009 08:09:00 PM

    想問律師使唔使OT?老師使唔使OT?貨櫃車司機使唔使OT? 演員使唔使OT?...
    唔好只針對某一行業, 其實應該話OT係職場上一個非常唔健嘅文化

    P.S. 雖然小妹當年都坐過豬肉枱, 但而家公司啲小朋友都個個有自己位架!

    ReplyDelete
  3. 柯秩小師妹2/26/2009 08:16:00 PM

    Sorry, 漏咗個"康"字

    ReplyDelete
  4. 唔該叫咖啡店唔好下下直踩幾日先....咁樣會少幾個侍應同事生CANCER!!

    ReplyDelete
  5. 嘩……佢大佬……打仗戰死係迫不得已,返工係日日要做,點可以用黎比﹖

    唔通要每日都有打工仔好似畀亂槍射死o係灘頭先算好﹖

    ReplyDelete
  6. 唉,若老~我曾勸我老表要諗清楚至好報讀會計。最幣係佢唔單只唔聽,仲去報私營機構所辦嘅海外大學校的會計學位(讀完可上ACCA同貪夠快畢業喎)。我真係頭都痕!
    你話點先能夠整醒佢丫?

    ReplyDelete
  7. Bittermelon兄:請帶備相機見到EY既朋友(尤其中低層)時同佢地講並影低佢地感激既表情;

    大師姐:你我都知junior自己座位數目同公司規模成反比,得罪講你老的店子在local而言雖然唔算細,但似乎同大行比還差好遠;而且律師、醫生雖然工時可以與會計師不相上下,但你老知唔知佢地幾錢起薪(律師當然只計魔術圈,來個大行對大行)?

    強兄:小弟經驗是,要自己找這條路的人是九頭恐龍也拉不住的!

    ReplyDelete
  8. 柯秩小師妹3/08/2009 01:38:00 AM

    唔知點解有啲人對細firm睇唔起, 但又話做大firm辛苦, 其實係想唔付出就會有人出糧比佢, 定係吃不到的葡萄真是酸的?!
    有啲嘢好公平, 老闆唔滿意你的工作表現佢可以炒你, 同樣地你唔滿意你得到嘅待遇同工作環境你同樣可以炒你老闆, 只不過係你自問有冇咁嘅能力嗟! 有就炒咗你炒你老闆, 搵份超筍工吧!.....哈哈! 老豬就有咁嘅膽量!......小妹祝你好運! 早日搵到份超筍工!...哈哈哈!

    ReplyDelete