Saturday, October 03, 2009

「偉大」得令人顫慄的會計師

常有人問到經常在討論區流連會否太浪費時間,答曰首先人總不可能除吃飯睡覺外都幹所謂「有意義的事」,細思《蠟筆小新》固然啟發思考,但總不會每日看上十多小時,;而且行家聚集的地方消息總會最靈通,令已離開會計界多年的老頭仍能回味過去、好好緬懷 - 當然,後遺症是往往連不大想回憶的負面片段也要照單全收,例如早幾日一位比老頭還要年長、與容永道、關超然等香港會計界名宿相比只年輕十多年的長輩便提到一無論當年還是今日、聽一次便起一次雞皮疙瘩的「理論」,曰見習會計師是「學野」(學習),不用跟「師傅」抹檯搬櫈、斟茶遞水已是客氣,有薪金更是萬幸,還好意思抱怨XXX、YYY、ZZZ...云云?


雖然這位長輩平常熱心助人、跟老頭關係也不差,但既然本老頭更熱愛真理,既覺得不平自不應因私交而不鳴,忍不住在此疾呼:省省吧!

當然,絕不否認見習會計師在工作上能「學習」(當然在所謂Local Firms - 即本地中小型會計行所學的技巧有多「實用」、更莫說不少有關機構更將使用傳真機/影印機/打字機/釘裝工具/咖啡機/蒸餾水機視作必學「課程」...但學什麼不是討論重點),但憑天地良心(對主體是不抱期望,但假如尚有一點點餘韻的話),僱主們請答一問題:你們聘請見習生是為了偉大地「教人」、還是為了自己的荷包?

經濟學上有所謂界外效果,但更喜歡一個出自奧地利大經濟學家海耶克提出的名詞:意料之外的結果(Unintended Consequence):雖然Unintended Consequence意思與本文有所出入,不過所謂「令見習生學習」這結果於僱主而言只怕多是"Unintended" - 非其出發點,而且文首那位長輩雖曰見習有薪金是大恩惠,但另一方面更是誠實得嚇人的直漢子:「教」了新人日後可會多隻香爐多隻鬼、增加將來競爭!如此看來Unintended更可解作逼不得已 - 明知對將來有害,但為今日利益而不得不為也!

跟馬克思同志不同,雖然絕對同意會計師行是以剝削無產階級而生存,但與獅子為吃肉殺生而不能視作殘忍一樣,剝削乃會計師行的生存根本,這一點倒不願深責;然而,令人毛骨悚然處正是近來政治上常見用語:「又要當XX又要貞節牌坊」,剝削自剝削,還矯情曰「聘請見習是給你學習機會」,與獅子吃肉後聲言是為羊先生解脫一樣 - 真是省省吧!

時代不同,以往學師制的確如是,但現今人權思想下人人生而平等,見習不見得是「師傅」的從屬:若該見習不能為僱主帶來正邊際利潤,有關僱主可會繼續僱用?是為自己利益還是其口中所謂「教人」者答案自不言而喻!

(雖然從未親眼見過,但江湖傳聞的確有照看後輩的會計師行東主:不否定有這異數的可能性,但一點點例外不會推翻一般情況,敢於明言恐怕日後多隻香爐多隻鬼的那位長輩反而誠實得有點可愛!

剝削便剝削到夠,正如絕不會到動物園游說獅子先生改吃素一樣,這是會計師行的生存之道可絕不怪你,但讓本老頭的耳朵以至雞皮休息一下行不行?)

13 comments:

  1. 唔知點解你今次咁睇唔開,

    點都好, 凡事唔可以睇單方面,
    無可諱言, 僱主請任何人都係為利益,
    不過如果講big 4 係一個刻薄僱主, 似乎大家都忘記左一d野,
    點解要畀study leave 及 exam leave 畀你??? 備試課程呢???
    至於向hicpa 交差果 3年, 佢大可以講一句: 與我何干???
    恕坦白, 我睇唔到一個為利益的僱主, 會咁去搵自己笨,

    當然, 亦可以搵到好多原因, 去指出big 4咁做都係為利益,
    但係, 我亦可以簡單地問一句, 你為何要入big 4??? 又為何要留在big 4???
    斷估, 大家都唔係豬兜, 係為某d野而留下.
    為學野, 定係為日後的cv 好睇d???
    為學野就煩請你交學費, 孔子都要"束脩"啦!!!

    如果為cv, 即係"投資",
    亦即係為利益, 大家都為利益的時候,
    不如就信一個亞當史密夫吧,
    一個願打, 一個願捱, 咪就係供求果一個交叉點,

    馬克思果一個剩餘價值, 對不起, 我從來不認同.

    ReplyDelete
  2. 非常討厭那些扮野的人,明明係想剝削人,但係仲要講得咁堂皇

    想起日本侵略中國,說要建立甚麼大東亞共榮圈,聽到就覺得噁心

    ReplyDelete
  3. 拍手掌﹗

    自欺欺人最討厭。

    ReplyDelete
  4. Anonymous :

    自打嘴巴 :-D

    ReplyDelete
  5. 件事可以簡單地睇成僱主(including big4) 要平靚正嘅新人幫手,而新人又希望坐夠日子、學倒嘢同整靚CV (Big4),响呢嗰環境下,僱主教新人多啲,新人又做得多啲快啲熟啲,並無問題。

    有前輩云: 以前上世紀英國CA行嘅係學徒制,我諗同跟班差不多。當然當年CA的recognition勁好多,但放諸投行、律師行,有邊行一出嚟唔係捱到嘔血?

    ReplyDelete
  6. 其實大家都係各取所須,
    未入行前, 大家都應該知道,
    會計係重視你有無在big 4 捱過,
    邊間大學反而其次,
    即係big 4 果 3年係緊要過degree 果3年,
    你可以畀錢去讀果三年書,
    點解又唔可以接受big 4 果3年呢???

    係我的年代,
    big 8 人工就算去到第5年,
    都重係低過市場價.
    同而家係完全唔同的.

    ReplyDelete
  7. CB老前輩及樓上幾位:從來沒有反對無恥資本家剝削無產階級、亦不否認所謂"師徒制"係各取所需,但難頂只難頂在進行100%自利行為時,仲要將"只係畀你學野"年年講、月月講、日日講先難頂!

    至於你所講既study leave/雞精班都好易解釋:Marginal benefit而已:當投入落去既marginal cost細於可以帶來既利益(唔畀時員工既"被剝削能力"有限),有關行為完全吻合自利假設;

    在討論區有一回帖老前輩覺得如何?pk_24121982版友曰:

    "以前學師, 師傅包伙食, 包住宿, 當徒弟係屋企人一樣, 呢啲都係一種回報 (reward), 不過唔係用錢去衡量啫, 即係 non-monetary reward

    今時今日, 無firm 會包食包住啦, 咁出返人工都好正常 (monetary reward)"

    老頭就頗同意,不知老前輩意下如何?

    另如未能感受老頭所說的滋味,煩請CB老前輩半夜(不是黃昏,黃昏放工的不是auditor)站於幾間大會計師行門前,見其行出來時(尤其剛被CO、拿住個大信封的)曰:

    "員工是公司最寶貴的資產!"

    ReplyDelete
  8. 我諗你無可否認, 其實big 4 已經係唔低於市價,

    個人覺得, big 4 同員工係公平交易,
    而唔係剝削.

    你要人工唔差於市價, 又要有training, 又要study leave, 又要令日後張cv 好睇........
    世界邊有咁完美的工?

    ReplyDelete
  9. 剝削乃會計師行的生存根本? 唔係掛? 如果你說剝削乃會計師行的"賺錢"根本我同意, 但講到生存, 我諗唔係囉.

    ReplyDelete
  10. 不如問下,你地點解讀會計,做會計仲好啦.......... 哈哈

    ReplyDelete
  11. 苦瓜兄:

    如果冇左食鐘、所有working hour真係畀足,有幾多間firm可以頂得住?

    做廿個鐘出十個鐘糧,在帝國、歐洲一早已經畀人告到甩褲子,咁唔係剝削係乜?

    ReplyDelete
  12. This time, I agreed that the buyer (employer) & the seller (employee) had agreed on an equilibrium price (agreed salary). This is a supply & demand situation. & this is also a never-ending competition between the two parties. Buyers always want to buy cheaper while sellers always want to sell higher!

    ReplyDelete
  13. 頂樓果位Anonymous:

    "點解要畀study leave 及 exam leave 畀你"
    ICPA一年考3次試.唔比?睇吓Exam period 前後個turnover rate會點.依家咁既環境都無Cut.一定有原因.

    你自己都寫"我睇唔到一個為利益的僱主, 會咁去搵自己笨"...唉...

    "一個願打, 一個願捱, 咪就係供求果一個交叉點."
    供求有個交叉點,then? 你口既意思係唔係result 可以justify 番個 mean?

    BTY, 傳聞
    聽講 ABCD_ claw back 番離職員工已袋咗口既考試allownce, 係唔係堅?

    ReplyDelete