Monday, January 11, 2010

能屈能伸的故事

日前聽到一個令人肅然起敬的故事;


一位病房照顧員早前考獲登記護士(E.N.) – 何謂病房照顧員?即俗語「嬸嬸」是也!由照顧員考護士固然不易,但更神乎其技的卻是這位「嬸嬸」是在發鈔銀行當了十多年文職、在年前銀行大裁員中被“勸退”而改行當照顧員

說職業無分高低容易,但要從事有關工作可真不易為:要粗重有粗重(將不會動彈的病人移來移去豈是輕鬆的?)、要多穢有多穢(當病人金塊銀水不能控制時,要照顧他們可易?),於一位從事文職十多年者豈是容易?更莫說現實中人情冷暖,固有真心相信職業無分高低的人,但只怕其身邊瞧不起他者大有人在,無論是工作本身帶來的物質壓力、還是心理上陰影豈易承受?

跟對消防員情懷一樣:對消防員是打從心底裡尊敬的,但要自己從事消防工作卻有點敬謝不敏(當然以本老頭既胖且老的狀態而言根本不可能);這位仁兄亦然,能承受無比壓力走過如此崎嶇的道路自問未必做得到,但絕對無損對其恆心毅力的敬意!

當聽到其晉身護士行列時,答曰醫護界雖未致往日所謂金飯碗,相比商界而言總較風平浪靜,正值經濟白頭浪再興,真可說是焉知非福!



不知何解聽到這故事時腦海中突然浮現《獅子山下》~

12 comments:

  1. 我很想知道某些「80後」聽罷這個故事後有何感想...

    路是自己走出來的...

    ReplyDelete
  2. I think she deserves some credit for taking this risk! May she finds successful and happiness in her new job. God bless her!

    ReplyDelete
  3. 上面﹕依家唔係有班「80後」在苦行了麼﹖

    這也不叫自己走路,還算甚麼﹖

    ReplyDelete
  4. 咁係叫自己走路嘅,但唔係行自己的路囉!

    ReplyDelete
  5. 「80後」沒有出路所以「走出來」這說法,練乙錚之前提過,但佢自己都發現這看法錯,改了。

    今日睇信報,劉乃強都搞錯o左。上網睇論壇留言,就以為了解「80後」。有點天真。看來,上一代對世情真是脫了節。

    行出來的,點同向公司遲到早退個班。Come on。

    ReplyDelete
  6. 利益申報: 我係醫療行業內工作的。

    依家的「阿姐」(行內唔會咁您所講的稱呼, 下次最好叫佢地做"阿姐"或者"姐姐", 否則您會招致黑面對待, 唔信您咪試下囉)有分為病房照顧員(前身係HCA, 健康服務助理)和清潔員(前身係二級工人, 但已買少見少, 現時請的都係外判的居多)。

    又講下若老未必會知的二三事:

    依家護士流失多(尤其係公立醫院), 太多空缺, 弄到醫管局和社會福利署決定重開護士學校請護士學生, 雖然無人工但有津貼, 畢業兼註冊埋EN可以跳point, 若然讀埋護理學士可以申請做註冊護士, 人工又跳多級嘞!

    若然轉做私家醫院或者社福機構, 待遇仲好呀!

    雖然呢種工作甚具挑戰(厭惡, 工作量大, 返shift...), 但真係唔怕無工做兼真係有使命感!

    又, 亦因為係咁, 一些有一定的學歷和工作經驗的人士, 都轉去做護理界; 坦白講, 由"阿姐"可以成功轉做護士, 真係好少數: 一來係階級觀念(唔係個個有呢種看法, 詳細唔方便講), 二來由一個工種轉去一個完全唔同的工種, 係唔容易的事; 三來係個人本身是否願意接受呢個改變。

    >>將不會動彈的病人移來移去豈是輕鬆的?
    真係唔易(因為早年我亦幫同事手做過), 尤係係..."糖"呀! 要成五至八人才搬到去"勞斯箂斯"。

    在此向所有醫護界及那位轉職的EN致敬!

    ReplyDelete
  7. 我也認識一位在醫院工作的阿姐.其實她們的工作相當辛苦的.

    ReplyDelete
  8. RandomCoil大姐、方兄、真象兄:近來有一點小弟同意既係唔太應該單用"80後"概括年輕人:年輕人中固然有啃老族、但又有勤奮的;有以和平表達政見的、有激進的、更有漠不關心的,唔太應該將所有同年紀既混合評論;

    當事人當然唔係"80後",但唔理年紀我都佩服佢;

    Anonymous兄:係咪自己既路只有自己知,當形勢不許可強行抵抗而失敗不見得係自己既路,點睇如果佢執著於"係都要做銀行"會比今日走得好、走得遠,分分鐘寸步難行;

    Karen兄:多謝你詳細補充! ^^

    嘿嘿小弟係好"一致"的,甚至身邊有男性朋友做護士我都會叫佢"姑娘"... XD

    ReplyDelete
  9. 80後這詞實在簡單到化境,標籤易明,所以先咁樣濫用一番。

    阿姐工作真係唔野少,體能好唔在講,EQ都要好高。

    ReplyDelete
  10. 佢是做銀行而不是做會計職業穩定當然不足。

    ReplyDelete
  11. 或者講得含糊左,那位仁兄做既係銷售工作;

    銀行有好多工種,會計是否比銀行穩定答案是不一定,不過世上能保證做到退休的工的確唔多,商界無論邊個位都有被郁的可能;

    如果將RandomCoil大姐的詞句由"80後"改成"不幸被郁的朋友",可能解釋能力更強!

    ReplyDelete
  12. 你好, 本人80後, 現正於ive兼讀晚間護理高級文憑, 一星期4晚, 為期4年.

    睇到呢個咁勵志既故事, 都真係好振奮!!
    希望可以步果位姐姐後塵, 進入醫護界T^T

    ReplyDelete