Wednesday, March 31, 2010

兩情若是長久時,又豈在朝朝暮暮?

聽到某年過三十的某老頭竟能終於拍拖(換成普通話便是談戀愛)不禁令人目瞪口呆!莫說香港女生找男朋友易、男生找女朋友難,尤其該老頭是會計師更令人震撼!畢竟女會計師找男朋友比一般香港人更易、男會計師找女朋友比一般香港人更難!而且三十歲而言對女性還只是起步,但對男性而言年紀可一大把了!三十歲的老頭竟能找到女朋友,在香港尤其香港會計界簡直稱得上足以令人掉下巴的奇聞!


吾友乜教授在牛牛大學拿罷D.Phil歸來、三十多歲也仍是單身寡佬一個,原本他老兄也是打定輸數今生無望了,但果是一日活著便一日可能遇上奇蹟,說不定明日上天也掉一個女朋友給他,有厚望矣!

說起吾友乜教授,不禁想起香港男會計師固然難找另一半,但從事學術事業的只怕更難!不但作為學者的形象不大對“市場口味”、作為大學教員的待遇也不能稱得上符合“市場要求”,更大問題是大學教員在先天上有一非常難克服的問題:地域流動性太大;

就以乜教授而言,他老兄從事D.Phil研究自是身在英國,但他的學士(及以前)生涯卻是另一處,從事教學更又是第三處地方,可說是不知圍繞地球多少次了!亦因而“異地戀”幾乎成為無可避免的問題:當他老兄開展D.Phil生涯時,自需離開長大的土地;當應聘教席時又要告別英格蘭,雖然“異地戀”本身未必一定成為問題,但若任何一方認為分隔兩地是大問題時,自不免增加了關係發展的難度。

當然開始教學生涯後(假若不轉工的話)在地域上總算較穩定,但理工科也還罷了,如乜教授般醉心人文科的完成打狗脫(Doctor)往往是三十歲以後的事:雖然總算落地生根,但卻是人老珠黃...年過三旬的男士亦告被(香港)市場淘汰,哀哉!

     *          *          *          *

為何老頭會說異地相戀只是“假如”是問題?只是不禁想起秦觀老兄的名作:

《鵲橋仙》

纖雲弄巧,飛星傳恨,銀漢迢迢暗渡;金風玉露一相逢,便勝卻人間無數!
柔情似水,佳期如夢,忍顧鵲橋歸路;兩情若是長久時,又豈在朝朝暮暮?


「兩情若是長久時,又豈在朝朝暮暮」,人的壽命愈來愈長,七八十將只是“基本”、年過百歲將不再罕見,若是認定了對方是終身伴侶,即使分開幾年將來也還有幾十年相處,又何必令短暫的困難成為問題?尤其男性總是比較專一,出國幾年根本不應該是問題!


牛郎與織女,雖然隔了16光年好像有點遠,但總算是視線範圍內,更何況在只有萬里、交通互聯網發達的地球(網上圖片)?
     *          *          *          *

內地的朋友好像非常喜歡問一個問題:“成家了沒有?”,到帝國法學院時幾乎遇上一個內地同學便會被問一次,更大鑊的是他們往往非常有探究精神,窮根究底為何香港男性同學在戀愛事上都如此悲哀...以內地留學生人數之多,令人不期然有列印大量答案以備派發的念頭;

但似乎他們好奇心強之餘,也是非常顧念同門義氣的,當見到香港男同窗如此“滯銷”時,多會大拍胸口保障回國後只要到內地一遊,他們自會介紹云云!

為平衡香港男女市場嚴重失衡問題,是否應在香港呼朋引伴,帶一大票男性朋友到內地尋找另一半?

     *          *          *          *

題外話,在討論區升學版經常見小朋友們問的問題是:“如何最快/最平獲得學位?”、“雖然這是野雞大學,但這麼快有何不好?”,答案也是非常相似:

以年輕人平均壽命計要百歲不難,往往亦因積蓄不夠、在家苦悶而令退休年齡向後延,試看上一代多二十不足便投身職場、五十便退休,到今日三十歲也未必完成學業可見,今日的年輕人只怕六七十也還在工作崗位上,多投放三兩年在學習上完全不是奢侈;

歐洲國家如德、法大學畢業/第一份全職工作平均達三十歲,帝國專業學位如前列法學院中的JD平均入學年齡也是26 – 27左右,畢業時也大約是三十歲了!

愈是所謂「智識型經濟」,投放於學習的年期便愈長,上一代有二十便應工作的風氣只因當時香港以工業為主,多讀三兩年書對收入影響不大,但而遲“出身”只會“浪費”獲得收入的時間;但現今便早不適用:愈是需要腦袋的,學習年期便愈長!

幾年前某保險公司的廣告簡直是大智大慧:廣告中有一首飾(好像)標價100萬、“特價”50萬,旁白曰“你究竟是節省了50萬,還是浪費了50萬”?

用三年加汗水讀認受性高的課程絕對物有所值,花一年時間買來一認受性掛零的野雞學位只是浪費了一年/幾萬元,絕對不是節省!

42 comments:

  1. 老頭係你?

    所以我一向在討論區對d 一年制topup degree 係用得上"嫉惡如仇"去形容, 名義上你係有個degree 及 acca 九張paper exemption, 不要跟人家正牌degree 比較, 我相信acca 由F1 考上去的, 這些degree holder 在能力壓根兒也比不上!!

    degree 在職場是一紙文憑, 是入場券, 能否留下甚至叫你老板加人工, 還是看看你的斤兩, 不是說長一點, 好一點的degree教的是千篇一律, 嚴謹的考核以及要求高的功課作業, 以及長期應付壓力下學習, 無謂critical thinking 及softskill 上都會有莫大裨益...

    所以我成日夠膽好大聲在discuss 同人講: 我不比local u 差!

    當然比尖子自問沒可能, 十個degree holder 中, 我自問可以排到第三, 何況同校比我好的人更多!

    ReplyDelete
  2. 尖老認為我三十出頭咩?

    你既泥巴大學當然在會計界沒問題、甚至ACCA承認的千奇百怪(總算是)大學也還罷了,但只要翻開所謂升學求職雜誌,往往出現不少不明飛行物體,更奇怪的是唔少小朋友對唔止浪費幾萬元、甚至影響前途的決定都咁輕率!

    ReplyDelete
  3. 我答!
    計落應該過30

    恭喜老頭出pool了!

    ReplyDelete
  4. 詩白爾:我識的三十歲以上單身老頭多的是,你都係小心一下、有女仔追就認真諗下吧,畢竟香港男性要搵女朋友唔係易事,小心蘇州過後了!

    ReplyDelete
  5. 小弟即將畢業,自問一向勤力,但gpa一直偏低,真不知是否智商問題。想問一問,gpa低對未來的影響有多大?會否就此永不超生.........

    ReplyDelete
  6. 恭喜恭喜!
    若老終於有著落了^^

    ReplyDelete
  7. anonymous, 好多學生在溫習及備課方向都出現問題, 如果方向拿得好, 我覺得讀書唔會係苦讀咁誇...

    入得大學都唔會叫IQ 低, 或者你試下同d 同學組discussion group, 大家方向清晰d 會有幫助...

    老齋: 我並不對自己學位有絲毫懷疑, 只係一班在d 奇怪學位畢業生還自鳴得意, 拼命說自己同等身價, 誤導後輩, 真係令人哭笑難分,,, (你一定過三十啦, 所以恭喜哂你!)

    ReplyDelete
  8. 恭喜恭喜!
    若弟終於有著落了^.^

    ReplyDelete
  9. 老豬:我已經試過錯過一隻舢舨同快艇....家陣好驚上錯海盜船!

    Jimmy兄,香城間間大學(除左小弟母校之外)學生之間都爭個你死我活,試問discussion group如何行之有效?

    ReplyDelete
  10. 你地是否想太多了...? -_-

    Anonymous兄:你知函數吧?我唔會虛偽到話冇關係,但這函數絕非1:你的確會走得比GPA高的人辛苦,但唔係唔可以用其他方法努力彌補~

    ReplyDelete
  11. OIC

    原來某老頭拍拖是玩可望而不可即的境界,恰似牛郎織女,浪漫浪漫!

    ReplyDelete
  12. 的確如果將大批港男帶到內地找老婆,可以舒緩港男難找老婆的問題,令香港平衡一點。

    ReplyDelete
  13. 「香港女生找男朋友易、男生找女朋友難.....畢竟女會計師找男朋友比一般香港人更易、男會計師找女朋友比一般香港人更難!」
    為什麼有如此想法呢? 我身邊大多數女生(30出頭), 都是單身沒有男朋友, 而你所說「女會計師找男朋友比一般香港人更易」, 此言確是令人訝異...
    本人就是好例子....到現在還是單身耶 T_T
    情況就好比"有工冇人做, 有人冇工做"
    只可慨嘆的說男女市場實在是嚴重失衡!!!

    ReplyDelete
  14. 而且三十歲而言對女性還只是起步,但對男性而言年紀可一大把了! -- are you serious? :D

    ReplyDelete
  15. oi kwan, 我亦不明白若老何出此言?

    另一生人工作的時間若四十年(退休年齡越來越高)... 用四、五(甚至更長)年去取得(Solid的)學位其實不算什麽...

    或許我們真得被「即食」文化影响了...

    (Apparently studies show that by even 'seeing' fast food... people becomes impatient!)

    ReplyDelete
  16. 詩兄: 是要花點時間找, 但由degree 至考專業試, 似乎我都不滿找到志同道合的人

    ReplyDelete
  17. 若缺齋,

    香港男人找老婆/女朋友易過借火,香港男多女少.

    .... 「香港女生找男朋友易、男生找女朋友難.....畢竟女會計師找男朋友比一般香港人更易、男會計師找女朋友比一般香港人更難!」

    我唔贊成喎..我眼見我身邊的女性朋友和自己都好難識倒男仔..

    我覺得在香港做女教師都係難找倒男朋友的..
    還有香港的女公務員特別多老姑婆的.... 我有朋友做公務員,佢話政府裏面下致文員上致高級官員,有好多都係未婚的.... 情況相堂恐怖...

    ReplyDelete
  18. N年前有個男仕同我講.
    叫我RESIGN唔好做公務員,
    佢話裏面特別多老姑婆喎,
    咁當時無理由為了呢個原因而RESIGN,
    結果到目前為止我和好多姊妹都係人板,... 体怕都係注定要單身落去.
    裏面真係有磁場的.. 成班未結婚的女仕推埋一齊實在太恐怖了...

    ReplyDelete
  19. 應盡快組成北上尋妻團,為找不到老婆的香港男士搵出路!

    ReplyDelete
  20. conclusion, 我發現大部份在我身邊的已婚朋友,佢地結得成婚好多都係後生時拍落拖的,二十幾歲和佢地兒家的伴侶後生時拍落拖,跟住到了二十到尾或三張幾就結婚,真的未見過三張幾無拖拍的女士,可以沖出呢個單身身份成為人妻..

    所以.如你兒家係一個二十幾頭至中的妹妹仔,你地好襯兒家後生找緊機會係搵你的未來老公,到時二十到尾的你先致去找都遲了,總之如你想結得成婚就要親後生好好把握機會

    ReplyDelete
  21. 若缺齋,你贊唔贊承未有著落的女士和男士去婚姻介紹所呢?

    ReplyDelete
  22. 若兄,咁照你所言,big four裏面咪有好多未有著落三張幾的單身男羅?

    ReplyDelete
  23. 若缺齋,我係一個中7生,好by你講d 野,
    呢期都係煩開升學問題,因為我想讀vet,so
    我冇打算係hk升,主要煩2樣野
    1.vet讀到上一去(aus新syllabus係6yrs)
    讀到上泥要2.xxmillion)屋企唔係有$$,
    ,供就要工作多幾年,到底我o甘做會唔 會好selfish?
    2.6年時間,三唔識七,找個女朋友都難,
    回hk都26-7啦,pay off 左study d debt都30幾,到時都難識個真心的另一半...

    到底我仲應唔應該堅持理想?
    請閣下指點一二..

    ReplyDelete
  24. 答左個正經既先,其他既慢慢搞;

    KK兄:好多人都講如果要屋企負擔就不如唔讀,我就係兩睇:父母真的是偉大的,如果佢地供得起(所謂供得起當然唔係叫賣樓兼大幅節衣縮食,而係令儲備唔見緊一截但唔太影響正常生活),你有心將來反哺的,佢地應唔介意為你貢獻一點,而你將來亦肯負責既,佢地儲備減少一點便唔應該係大問題。當然每個人所謂有錢/冇錢定義唔同,屋企情況亦唔同,但覺得只要唔係等你開飯就唔需要太心急搵錢,換句話講,即費沙的利息理論:要睇晒全局回報先有答案(或要利息理論有一個變種,你自己搵net present value睇睇,道理非常相似,畢竟business theory都係左偷右偷、左抄右抄出來既玩意);

    搵女朋友嘛,上面都講緊在香港根本唔易搵(答完你先同佢地再大戰),不過讀專業雖然難,但冇人話你一定要在香港/畢左業/還清債先搵得,當年我仲讀緊書時都有點好似你咁諗、亦有人同我講上面同一番說話,當時真係諗住"定晒"先搵,但到左一定年紀回望原來真係唔駛,只係我地想太多了~

    ReplyDelete
  25. 嘩估唔到咁既topic會引來咁多回應(尤其多得詩白爾的"推斷"唔少)!

    首先oi kwan兄的一句"男女市場實在是嚴重失衡"的確係事實呀!正計劃向內地同學傾傾,整番個proposal、帶番所識的單身朋友、尤其重災區如會計師、大學教員等一齊北上,講偉大點係減輕香港低經婚數字引起的人口老化社會問題、令oi kwan兄所講的男女市場失衡得以緩和一點!當香港單身女士供不應求時婚姻介紹所都無可奈何,只有求北水才能減低香港婚姻問題!

    至於Big Four是否有不少單身漢,會計界朋友應該記得肥龔篇大作:

    http://leehangkei.mysinablog.com/index.php?op=ViewArticle&articleId=237801

    好多朋友只理解為女會計師找男朋友易,但似乎忽略了另一恐怖事實:唔少ger級都仍是單身才可被女junior手到拿來吧?以ger級年紀即使未足三十亦不遠了,答案豈不易理解?

    尖老你都識我唔少日子,唔係唔知小弟找女友找得幾辛苦吧?當然小弟條件差沒話可說,但當你如此條件都找咁耐,便唔可以話找女友困難唔係普遍現象了!另Prof. RandomCoil你點會唔明白? XD

    ReplyDelete
  26. 齋老有著落, 我一點也不感到奇怪,
    因為我一向認為係齋老要求太高,
    才會沒有女朋友.

    至於海外大學在港辦學位, 我個人認為同香港人性格有關.
    因為香港人熱衷搵快錢, 要求在最短時間付出最少, 但就可以搵好多錢,
    所以唔習慣花費大量時間及心力去"投資".

    因此, 高水平的海外大學在港辦學位, 在香港都捱唔耐,
    因為"高水平"通常要求學生付出大量的心力及時間.

    ReplyDelete
  27. 因為我一向認為係齋老要求太高,
    才會沒有女朋友.X2


    haha...

    ReplyDelete
  28. CB老伯伯、Hana大姐:我冇人吼已不止一*年*係你地都知既事,早排先同樓上Prof. RandomCoil講起好唔好在度出帖徵求女朋友,只係費事全無回音以至面目無光才作罷!

    ReplyDelete
  29. 因為我一向認為係齋老要求太高,
    才會沒有女朋友.

    X3

    所以齋老咪唔吼我囉!

    >>高水平的海外大學在港辦學位, 在香港都捱唔耐, 因為"高水平"通常要求學生付出大量的心力及時間.

    同意呀!

    我讀緊澳洲R記, 心力及時間超級demanding(所以好耐好耐無update個blog了), 加上依家讀的strategic management呢科, 上個intake頗多人fail所以要retake, 因為爭一分就pass都唔會俾您pass, 班上的同學都話呢個course水平高, 亦因而傳出R記唔再O係香港搞course的消息(好彩, 今年5月會在website公佈9月新intake詳情, 但係會由1年變2年兼收緊requirements, 好事泥o架)。

    唔駛幾耐我會因為讀書而變成殘花敗柳了!

    齋老果然無介紹錯呀!

    ReplyDelete
  30. 因為我一向認為係齋老要求太高,
    才會沒有女朋友.

    X4~

    老豬你派D你o既閃卡出黎,大把女仔爭住要!

    ReplyDelete
  31. 若老你好
    對於搵女朋友e點我想問問你
    好多人都話搵女朋友唔洗咁早搵, 讀書既時候就專心讀書, 當你事業有成, 就大把女仔比你揀。 想問下你對e個講法有咩意見?

    ReplyDelete
  32. 一日唔看,已經多左成十多個留言。

    頗為認同 CB 兄對香江人那種急功近利的價值觀的看法:朝種樹、晚界版...乜都想以最低成本獲取最大回報,讀書如是、工作如是、追男/女如是...不要指望大部份香江人能跟另一半談浪漫,come on 快點上床去鳥更好!

    ReplyDelete
  33. 我以為你講緊自己,原來搵到個個唔係你…

    ReplyDelete
  34. 佢唔係無人吼, 亦唔係要求高.
    而係佢重視學業多於一切, 其他乜都可以放棄

    ReplyDelete
  35. "尤其男性總是比較專一"

    的確男仔有了女朋友後多會修心養性,但好多女仔有了男朋友會騎牛搵馬。

    ReplyDelete
  36. 《浪淘沙》
    歷落少時形,未戴簪纓,無由側帽弄風情。門第胡奴窮措大,難覬傾城。
    鏡裡二毛星,借服微青,眉間算計盡功名。本色既拋何所似?老去長卿。

    搵女朋友從來都唔易,搵到亦未必有好結果。到得咁上下年紀,索性節省好過...

    ReplyDelete
  37. 因為我一向認為係齋老要求太高,
    才會沒有女朋友.

    x 6 吧!

    若果post 去discuss, 我諗x 9999 都指日可待... XDDDD

    ReplyDelete
  38. CB 前輩, 呢個點睇?

    http://www.vtc.edu.hk/vtc/web/template/press.jsp?fldr_id=367&content_id=15994

    ReplyDelete
  39. 肥豬版主好似係accountant + top law school JD吧?如果是在外地可能真是跟WYJIMMY說只是要求高找不到,但這條件在香港找女朋友的確勉強一點,找到不出奇得不到女生青睞也不奇怪。

    ReplyDelete
  40. 流言真係可怕,明明唔係事實都可以以訛傳訛講到好似係真咁...

    以前都以為讀書時唔應該諗太多,但現在睇番學/事業與愛情不見得有大衝突;

    另樓上話我係因為"專注學業"的應是單從我blog而估計、並非真正了解我吧?

    ReplyDelete
  41. To: 若缺齋老人

    你講:"以前都以為讀書時唔應該諗太多....."
    即係暗示左, 你唔係要求高咁簡單, 直情拒人於千里之外.

    To: Jimmy

    呢一個課程, 我記得唔係由warwick 本部所搞,
    而係一個類似space/speed 等叫wmg 的分支機構所辦,
    以下係此機構的資料.

    http://www2.warwick.ac.uk/fac/sci/wmg/about/

    ReplyDelete