Thursday, April 08, 2010

It Helps to Think We Might Be Wishing on the Same Bright Star

上次說到異地戀,不禁想到蘇東坡名句「但願人長久、千里共嬋娟」,與記掛的人分隔兩地不能相見、但抬頭望著星空時,不期然會想到對方是否跟自己看著同一明月…想到此情此景,聯想到年輕時一首名曲《Somewhere Out There》兩句“And even though I know how very far apart we are, It helps to think we might be wishing on the same bright star...” – 帝國自然是沒有文化的地方,不過感情是人性使然,所以沒有文化的美帝國人才會寫得出與蘇東坡意味相同的句子吧?不是經歷過與思念的人分隔兩地的滋味相信絕對寫不出如此深刻的詞句...





現代人真幸福,當年只要相隔幾百里便可能年年月月不能相見,但現在即刻身在萬里以外也不過十小時機程而已,更莫說互聯網能將人由輸入文字到語言以至聲音影像即時傳遞(圖為與1969年NASA登月電影齊名的1902年法國名片A Trip to the Moon劇照,雖然登月對一般人而言是遙不可及,但對身處地球上的人而言溝通已不成問題)。

當然老頭是沒有墨水的老粗,聽罷《Somewhere Out There》後的說話可是大煞風景:「蘇東坡年代大家都在中國也還罷了,如果是在地球兩邊的,在香港與帝國向天望那來同時見到明月?真是不合邏輯...」!

     *          *          *          *

談起香港男生找女朋友困難的苦況,與內地同學說起不如跟相熟的垃圾會議員提議在下一輪CEPA中加入每年香港向內地出口一兩千名單身男士,以調節調節香港男女市場嚴重失衝問題,畢竟社會河蟹是建基於家庭河蟹上,香港男性過多引致成家困難畢竟會影響社會穩定,能解決這深層次矛盾絕對於香港社會有利云云;

內地同學聽罷說寄望政治家未免令人等得不耐煩,若要解決燃眉之急不如今年中帶一百幾十個單身男性教授、律師、會計師…朋友到內地參加「鵲橋會」(廣州話集體相睇會也),雖然不及在CEPA大規模出口來得龐大,但能每年為香港“排洪”一百幾十個過剩男性總是好事...

七夕已近來眉睫,看來應儘早聯絡在香港的單身男性朋友早加預備了!

24 comments:

  1. 有聞羊城女子比正牌港女更港女,一眾港男隨時一到羊城變羔羊....

    ReplyDelete
  2. Re: 詩白爾
    去一去在外國的華人(特別是給剛從中國去的)forum, 你就會看見那些揀"男朋友"要求, 有很多時真是比正牌港女更港女

    ReplyDelete
  3. 詩白爾:我唔係太喜歡將人"分類"如所謂港女、剩男、八十後...人人都是個體,"分類"未免以偏概全;

    如果你想講香港女生被嬌縱而"吊高來賣",只因這是市場力量、在市場上供應不足引致惜貨而待價而沽吧!

    ReplyDelete
  4. 如果真係可以每年向大陸輸出一兩千個港男,香港戀愛市場真係會和諧好多!

    ReplyDelete
  5. 每年香港向內地出口一兩千名單身男士? 嘩!現在香港女仔已經好難搵對象,仲搞出口,咁咪...

    ReplyDelete
  6. 港男,好嘢嚟架!一於向外地玩傾銷啦^^

    ReplyDelete
  7. Bittermelon,港女唔係難搵男友只係唔要,如果佢地肯要有根本唔難。

    ReplyDelete
  8. 肥豬版主找不到女友的原因不在於男女平衡,在於肥豬版主的selling point讀書多在香港女士眼中沒有市場價值。

    ReplyDelete
  9. Anonymous, 但係話分兩頭, 雖然我係男人,但係都好明白港女既心態, 佢地認為10個港男有9個揀唔落手,如果仲搞出口,咁即係連嗰1個都無埋. 你當然可以話佢地要求過高應降低揀偶要求,但係你設身處地諗下,去到超市見到成箱橙都係爛既,你都唔會夾硬揀幾個爛橙走啦,係咪? 如果我話你要求太高,並且叫你"降低"要求揀幾個爛橙,你都唔肯啦呀話?

    ReplyDelete
  10. 港男點會搵唔倒女友或老婆呀?!我身邊大把港女朋友和我都未有著落.

    上面有人話 "港女唔係難搵男友只係唔要",
    但我和我班港女朋友,連有個男仔捉下我地都無喎,呢樣野我唔認同喎.

    ReplyDelete
  11. Bittermelon, 你個揀橙比喻真係"精境"

    ReplyDelete
  12. 苦瓜大王、Qq兄、oi kwan兄:唔係呱!係咪你地要求高呀?香港男仔唔係個個都好似我咁差條件呱!

    ReplyDelete
  13. 苦瓜兄,小詩想問點樣先可以令自己覺得D爛橙順眼D?

    :P

    話時話,小詩想搵個無拖拍o既女仔捉下都無...T.T

    應該係我條件差卦~

    ReplyDelete
  14. 詩兄:
    我覺得呢樣嘢真係好難,一係自我催眠,一係搵人幫你催眠.

    無拖拍有好多原因,可能係怕羞,社交圈子細,自己眼角高,緣份未到等等...

    但係我覺得"條件差"一定唔係原因.拍拖呢家嘢無話條件差定唔差,只有夾定唔夾."夾"既意思包括性格,條件,價值觀,背景等等. 你未拍拖,只不過係未搵到一個和你"夾"既人. 所以點解我會話緣份未到.

    緣份好重要,但千祈唔好坐係到等,擴闊社交圈子幾重要吓.

    以上淺見純粹亂喼,唔好認真^^

    ReplyDelete
  15. 會計師難找女友一係無錢二是無浪漫,偏偏這些都是在香港溝女的必偏因素,小詩都是會計師?

    ReplyDelete
  16. 無拖拍有好多原因,可能係怕羞,社交圈子細,自己眼角高,緣份未到等等...

    但係我覺得"條件差"一定唔係原因.拍拖呢家嘢無話條件差定唔差,只有夾定唔夾."夾"既意思包括性格,條件,價值觀,背景等等. 你未拍拖,只不過係未搵到一個和你"夾"既人. 所以點解我會話緣份未到.

    緣份好重要,但千祈唔好坐係到等,擴闊社交圈子幾重要吓
    --------------------

    但個圈子都係同性居多的,咁點算呀 =. =
    唔通要參加相睇呀 -___-'''

    ReplyDelete
  17. 苦瓜兄: 多謝你o既亂o急,小詩決定遲D去相睇了。

    回無名氏:小詩剛從某特殊大學理工科畢業,現職家庭煮男,並意圖投身以粗口度日的工程仔。會計師呢D尊貴工種,小詩難當「大任」呀!

    ReplyDelete
  18. 等等,我唔覺得"相睇"可以"擴闊社交圈子"喎. 我既意思係出去識多d人,例如做義工,返教會,上興趣班等等都係擴闊社交圈子既好方法.

    ReplyDelete
  19. 苦瓜兄,不幸地係我身上出現o既情況係:識到多D人唔等於追到女....

    我好清楚,肯定係過程上好有問題。

    ReplyDelete
  20. 詩兄:
    咁樣呢,介紹你睇一本書啦,叫"Men are from Mars, Women are from Venus".

    如果想地道d,另一本由香港人寫既叫"50個女生想男生知道的心事"既書都得. 作者叫"帶銀公主".

    ReplyDelete
  21. 苦瓜兄是個很親切熱心的知心叔叔 :)
    膜拜ING ^__^

    ReplyDelete
  22. 萬謝~~T.T
    苦瓜兄真好人事~小詩聽日去買書先!

    話時話,使唔使買多本俾老豬?定你幫老豬把過脈先再開張方俾佢?:P

    ReplyDelete
  23. 這才是香港男生找不到女孩的主因:

    "一個壞男人其實以前也曾是一個好男人…"

    http://www.stoneip.info/?p=30664&utm_source=feedburner&utm_medium=feed&utm_campaign=Feed%3A+stoneip1+%28%E7%9F%B3%E5%85%88%E7%94%9F%E9%83%A8%E8%90%BD-+%E5%8D%8A%E5%80%8B+I.T.+%E4%BA%BA%29&utm_content=FaceBook

    ReplyDelete
  24. 哎呀,唔好咁客氣啦,其實都只係一個失敗者的分享.以前自己錯得很,行咗好多錯路,亦傷害咗人,直至看到呢兩本書,先知道原來自己的問題在於不了解女性的想法.

    其實呢兩本書唔係咩嘢追女秘笈,但係就能夠讓自己認識女性是怎樣想的,對拍拖以至日後如何維繫婚姻有好大幫助.

    共勉之啦.

    若老學貫中西,佢應該睇過呢兩本書吧.

    ReplyDelete