Friday, November 05, 2010

七傷拳行業

經濟學與會計雖然都會為世人帶來煩惱,但有一點根本性不同是倚賴經濟學家治國固然會帶來災難,但經濟學有不少理論都有邏輯上的美麗,單是用來吹吹牛也是相當有趣的 – 當然,不要吹得太高興而想拿來用用便成;而會計不但用時令人痛苦、會計的所謂“理論”也是能令人悶出病來!


所以,偶然也會聽聽所謂經濟法理學的課:雖然法律不會真的依著經濟學家的胡亂指揮而走,但單單欣賞其理論也是不錯的消閒節目,早前聽了一講座時的一個反問,倒令全場笑得倒地,但誰也想不出完美答案;

     *          *          *          *

話說該說博弈論的講座上,講者大吹所謂柏利圖最優(Pareto Efficiency)和加多.卡死最優(Kaldor–Hicks Efficiency)理論,簡單說,前者是指當不能令其他人不受損害才能令社會上一位仁兄獲益、後者說令其他人受損沒所謂,只要這損失不及得益者獲利大便行;

當說到後者時,便拿了一個老例子來說明:莫以為盜賊搶劫對社會總體財富沒有損害、是一單單的財富轉移,由物主轉到盜賊口袋般簡單,畢竟物主為防盜便要花費進行沒有獲益的防盜設施(這又扯到另一理論曰破窗謬誤,不過為免愈扯愈遠就此打住)、在搶劫時若又破窗又破門便簡直是社會剩損失,所以以法理經濟學角度而言,搶劫被列為犯法是非常合理的云云(至於殺人則更易理解了:對方掛了自然是損失,凶手花精力資源在傷害他人也不是什麼理智行為)

本老頭聽罷舉手曰如此說來,會計也應被列為非法行為呀!毫無生產作用的會計活動可不是單單將財富由僱主轉移到會計員工、又或將核數費用轉至核數師,會計員工煩擾員工固然麻煩、核數師進行核數時更經常令生產員工工作癱瘓、妨礙工作、簡直是拖著社會建築的後腿…還未算帳因為會計師帶來煩惱的健康損失、大量浪費紙張令樹林消失…而毫無建樹!

單從性質而言所有人想了老半天也的確想不出會計師跟盜賊在經濟效率(Economic Efficiency)分析上有啥不同,勉強只能找到兩點跟效率完全無關的差別:

1) 搶劫是犯法的,但會計師卻受法律保障而張牙舞爪,所以這類財務報告法規、核數稅例簡直是反經濟行為!

2) 雖然有點那個,但不少俠盜、大賊的確受人尊敬(免責聲明:可不是教人崇拜犯罪,歌頌俠盜、大賊的文學多的是,若然請找小說家們算帳),但可沒聽過有人會崇拜會計師:教授、同學們不少都吃過會計師的苦頭,洋人固然每次跟會計師們打完交道都會頻頻大歎倒楣(Touchwood)、中國人跟會計師握手後找碌柚葉洗手、甚至買柳枝對待更時有所聞;


想當年曾從事Marketing工作,回想每次與Internal Auditor(內部審計師)打完交道後上下同仁以碌柚葉洗手的情景,真是年輕情景依稀還在呀(不過後來本老頭卻轉行當會計,可要到其他人要花錢買碌柚葉了!)(網上圖片)!

     *          *          *          *

損人利己固然不值得提倡,但若是損人又損己可是更加令人齒冷,也難怪在外國會計師形象固然不甚高明,跟但也不及在香港會計師打過交道的朋友都會恨得牙癢癢;

成形後的會計師固然破壞力十足,對為世人帶來煩惱以至拖慢生產力都有極佳效果,但會計師的訓練一如金庸筆下《倚天屠龍記》中的七傷拳,是先傷人後傷己的狠招,而且會愈用愈傷,不但被會計師纏繞的受損,連會計師自己也會落得損心傷肺摧肝腸;

當然,有如《倚天屠龍記》中云極少功力極深厚之輩不會為練七傷拳傷害自己、更會活得非常滋潤,的確也有生活舒適、身體健康的香港會計師,但畢竟例外只是極少數,當七傷拳用者/香港會計師拼著損害自己也要令人受傷,香港會計師能怪人反感乎?

     *          *          *          *

討論區有一老版友CB1668老伯回憶,佢當年入行時升職,其上司諄諄教誨,香港會計界前輩欺負後輩是老習慣,他老兄好不容易媳婦、“升仙”(Senior)、“升ger”(Manager)熬成婆後欺壓欺壓後輩(Junior)是理所當然的,但記著凡事都有界線,他可以痛揍晚輩的腦袋以至變成白痴、可屈斷他左手、就算打跛了兩腳也是不妨,這種種也不會減損會計師一絲生產力,但千萬不要損傷他的右手(假設不是左撇子),否則一個會計師的生產力便會由100%跌至0% - 畢竟會計師根本不用腦子,但不能不用右手!

非常嚴正聲明打人是犯法的,CB老伯受此教誨後也沒有揍其下屬(資深會計師欺壓後輩只會冷言冷語以至來陰的,可沒聽過真會揍人,而且會計師體質隨年資成劇烈反比,資深會計師跟剛入行的動手幾乎是輸定)、反因此令他對下屬的右手愛護有加、無微不至!

當然說會計師都是不用腦子的可能有點誇張,至少CB老伯這位上司有點不大熟悉生理:右手的活動都是由腦子主宰的,單單是以不用腦子的條件反射要完成會計工作絕對是非常困難,不過會計的訓練或許真令部份會計師將思考活動束之高閣;

當有年青會計師在討論區訴苦曰收入不高、對於香港會計師公會高昂的QP考試費用實感有點吃力時,一位向來熱愛香港會計師公會的資深會計師憤然曰“咁大幅加會費好了,由二千幾,加到二十萬一年.咁會員由3萬走了99%,剩300人都唔影響同樂會收入.而同樂會再開一個分會(或者叫次等會計師公會)接收呢d99%已qualified但又俾唔起二十萬會費既.呢個新會只受20蚊會費,唔駛cpd,qp又100% passing rate.咁大家happy”

說實話對於會計界傳統欺壓新人有點看不過眼,雖然大多數年青會計師都需在貧窮線上掙扎求存,但稱其曰“次等會計師”雖能反映不少資深會計師意見亦未免有點那個,但既然本老頭已離開會計界,對此傳統也不方便多作批評了,然而本老頭對於加會費可是衷心支持的,但也有點擔心若加至二十萬可能有點過份、若將現有會員全趕跑了可會弄巧反拙?故提示曰是否忘記了拉頭髮曲線(Laffer Curve)、過份增加價格可能令收入反跌?

該資深會計師曰不知啥是拉頭髮曲線倒沒什麼大不少,維基條目說得相當清楚,故轉貼讓其閱讀後他便立即了然;

然而,可能經多年會計訓練後腦子有點轉不過來,這位資深會計師的回應卻令人不知應如何回答,其曰:

“好多唔多 la 更
同樂會
*=/=政府
會費=/=稅收”


如果拉頭髮老兄尚在,對於其理論被如此限制只怕也會聽得乾瞠眼...

*註:同樂會 = 不少會計師熱愛的香港會計師公會,均愛以Hip Hop同樂會這暱稱…雖然這暱稱是本老頭這非會員作的:

20 comments:

  1. from the very stupid reply on laffer curve, now I understand why people say appointing an accountant as the leader can cause a company failing.

    ReplyDelete
  2. 如果你問我, 我會講呢d就係資訊唔夠透明而造成的浪費.
    (即係經濟學上的perfect information).

    首先, 由於資訊唔夠透明, 所以大家唔知果一間公司的運作成績,
    因此, 要搵人去做一份報告畀大家睇.
    (會計師及financial statemnets出現了, 開始要畀錢了.)

    之後, 大家又發現會計師用唔緊唔同的方式去present 呢一份報告,
    會計師們就組織起來, 規範presentation,
    (會計師學會, standard 出現了, 做呢d野須要錢,
    額外費用來了.)

    之後, 大家又發現有會計師對standard 有不同的解釋,
    甚至唔跟standard,
    更甚者就係做假數, 所以就要監管下,
    例如, 定專業操守, 或者搵人審核下,
    (auditor 登台了, 而監管更加要錢, 費用提升了.....)

    兩條鎖匙都噹噹響, 何況而家三條???
    大家開始玩攻守遊戲了, 而且愈玩愈烈,
    愈來愈要多人玩,
    ("安龍" 所構成的不安, 造就幾新職位??)
    多人玩, 費用當然升.

    所以大家如果有經濟學上的"perfect information",
    以上的都唔會發生,
    但世事無咁完美, 所以大家就要畀錢了.

    因此, 你可以當呢一費用就係畀你去得資訊的費用.

    ReplyDelete
  3. 點解多人憎會計師多過憎賊?因為多數賊只會搶你一次,會計師每年都會定時定候搶!

    ReplyDelete
  4. 很難理解一個離開了會計行業的人,為何如此痛恨會計界。大概係因為你係會計界非常失敗,有非常不愉快的經歷,所以如比。
    正如妓女一般,不論衛道之士如何認為她們可等下賤,社會都需要她們。否則,你常掛在口邊的經濟學,必然地預計她們會在地球消失。會計師能存在到今天,總有他們的社會功能。
    祝你在法律界發展順利,免得將來又天天罵律師們都是站在富有人士的一邊欺壓平民百姓的社會敗類。
    無花

    ReplyDelete
  5. CB老伯:你講的係理論上會計師、尤其核數師點解會出現的原因,不過實際上核數師有冇做到野、"做左"後效果如何請參考一篇舊文:

    http://dodderer.blogspot.com/2009/12/blog-post_29.html

    記得Enron事件(或者講,每單大鑊野後)會計師/核數師成眾矢之的,不過後來這班罪魁禍首如何?不但毋須負責,更因將所謂會計/核數準備弄得疊床架屋而大蒙其利;

    想你老壯年時與本老頭年幼時一樣有看紅極一時的高達吧?真有點似一個場景:當雷博士(台譯,即主角鴨母樂父親)設計的Gun Cannon對住渣古大敗虧輸時,佢出來發言曰為戰敗"負責",所以懇請地球聯邦軍投權畀佢設計下一代MS - 結果事件既罪魁禍首反而係最大得益者;

    不過唔同既係雷博士"負責"後設計出所向無敵的高達,打到自護軍MS哭嗲叫娘,在往後咁多戰除對老虎一次外單挑從未輸過...單會計師/核數師"負責"完後呢?咪一單大鑊過一單、而公司/客戶的會計負擔卻一次比一次重...

    呀順道推薦本舊書畀你,若問關於點解會計師/核數師毫無建樹而存在,《柏金遜定律》首兩chapter已經可以答晒你!

    ReplyDelete
  6. 其實, 呢一個係你有弓, 我有盾的問題,
    幾方面係度互相攻守,
    一方面想將資訊PRESENTED 對自己有利,
    而公會方面就想統一大家的口徑,
    AUDITOR 則在於令管理層有按照公會的要求.

    誠然, 老虎都會有瞌眼瞓時,
    而且道高一尺, 魔高一丈.
    如果無左AUDITOR, 我又真係唔知管理層會將份F/S 舞成點,
    最少, 而家政府都好嚴格地監視發展商的地積比率,
    結果, D樓咪一樣發水發到阿媽都唔認得.

    至於向唔向小投資者負責,
    其實佢唔止唔向小投資, 佢連大投資者都唔負責,
    因為, AUDITOR REPORT 講得好清楚,
    佢係TO THE MEMBERS OF......
    即係, 各大小股東.

    即係, 在你買入左股票, 成為股東之後,
    份野就會對你負責.

    ReplyDelete
  7. 而同樂會再開一個分會(或者叫次等會計師公會)接收呢d99%已qualified但又俾唔起二十萬會費既.呢個新會只受20蚊會費,唔駛cpd,qp又100% passing rate.咁大家happy <==$20 會費不如改名叫"香港小童群益會" 便算了..XD

    ReplyDelete
  8. //正如妓女一般,不論衛道之士如何認為她們可等下賤,社會都需要她們。否則,你常掛在口邊的經濟學,必然地預計她們會在地球消失。會計師能存在到今天,總有他們的社會功能。

    總有他們的社會功能,是什麼功能呢?
    d賊捉極都有,又總有什麼社會功能呢?

    ReplyDelete
  9. CB老伯:問題係,根本成件事都係搶你錢既人搞出來。

    原本大家都在安安定定、和和平平既社會度生活,人人都自食其力、以自己一雙手建設未來,點知突破有人闖上門來要搶走部份你勞動既成果;

    突然再有另一班人闖入來,佢地比較"文明":唔係直接搶走你荷包既錢,而係話幫你抵禦第一班人,所以問你收"保護費";

    如果真係"實Q"都仲算,但大問題係兩班人根本系出同門,如果在原來安定環境度根本乜事都冇,就係有左第一班、第二班陸續出現先荷包既錢愈來愈少,而且最大鑊既就係如你所講佢地開片時往往大打出手、仲會波及埋你屋企!

    以前在會計行內同同事講笑,真係唔知audit fee同年晚有人擺盤桔問你拿"保護費"有咩分別,但而家知了:擺盤桔在度就算你唔食最大不了掉左佢,不過同你audit時不但要畀錢,仲會令人疲於奔命...

    ReplyDelete
  10. 凡係同法規有關的東東都係咁,
    就係因為有D人唔安份,
    之後就要SET 一D 規舉出黎, 再搵人監督有無去守,
    但唔安份的人, 仍然係唔安份,
    呢D 唔安份的人, 就會想辦法去鑽空子,
    甚至搵專門的人手去鑽空子......

    講真, 你而家讀緊的法律, 咪一樣係異曲同工,
    檢控係律師, 立例要搵律師咨詢, 不過, 鑽法律空子果一個, 都係律師.
    分別只係AUDITOR 負責埋"行必", 而法律的"行必", 就係由差佬做.

    ReplyDelete
  11. 老伯你搞錯左一個根本性唔同:律師(刑事案)既對手係賊,核數師的對手係會計師 - 根本係同類自己無中生有咁製造問題、然後再由同行去"解決"自己製造出來既問題;

    真係去睇下柏金遜定律原著啦,應該係第一章就係講點樣自己"製造工作"、然後養活一大班根本毫無建設性既會計師...唔係,佢原文話係官僚! =P

    ReplyDelete
  12. in my memory,無花 is exactly that guy making the HKICPA=/=IRD brainless comment?

    ReplyDelete
  13. 雖然唔係完全認同無花前輩既comments,不過用妓女來做比喻又真係好鬼抵死喎 ^^

    ReplyDelete
  14. 講真, 除左法例要求外, 又真係諗唔到有咩社會功能喎!

    ReplyDelete
  15. 苦瓜大王:第一句私人答左你唔方便公開講,但第二句冇所謂:幫襯妓女既客戶(雖然唔道德但)總會開心、你認為幫襯會計師的客戶心情是否一樣暢快? XD

    ReplyDelete
  16. 點解老人家你成日話做會計會越做越蠢?

    ReplyDelete
  17. 齋老, 睇開d啦!!!

    一般的小事, 面對的當然係毛賊,
    (只係等同街邊果d"代客報稅.)
    而且, 果d毛賊請去幫佢辯護的, 又咪係律師.

    而且, 一講到大事的背後, 又有幾多真係無律師做軍師??
    日刨夜刨法律去鑽法律空子,
    防止"老細"日後入籠果d已經算係低手.

    果d兜巴昇完差佬,
    都可以講得頭頭是道,
    令人地唔服都唔出唔到聲的, 先算高手.

    搞黎搞去, 咪又係律師對律師.

    你答法律題目, 都要答哂正反雙方啦!!
    簡單d講一句, 根本就係要求緊你正反方都做到.
    既可以做神, 亦可以做鬼.

    ReplyDelete
  18. 老伯:你搞錯左一樣根本性既認知,會計師唔係做埋警察個角色,而係做埋辯方;

    你原本只係一個殷實的商人,突然有人話要"幫"你為個你自己都唔知係咩事而打官司、再突然彈多一個三唔識七既"外"(external)人來話幫你頂住第一個,結果雙方戰火橫飛,唔單止你e個企在側面既無啦啦畀佢地拳來腳往時波及,更大鑊既係當佢地兩個打完官司後,無啦啦兩面一齊叫你賣單...

    但最大鑊既,都係個殷實商人埋左單後都唔知自己點解無啦啦要為控辯雙方出錢,雖然佢兩個把人都係話"為左你",但殷實商人除左激戰時無啦啦對眼多左兩個黑圈外都唔知關自己咩事...

    樓上:IQ問題請CB老伯答你,我都想睇下佢點答先! XD

    ReplyDelete
  19. 我覺得美國鬼頭最叻就係將一D唔值錢的idea量化。比如ISO就是一堆制度去量化閣下的公司;又例如所謂的評級是沒有價值的服務。最有問題的是,這班鬼子既創出規則,又不切實執行,發現有人破壞規則就只是兩手一擺,說聲沒辦法。

    ReplyDelete
  20. 版主, 睇開d啦!!!

    如果真係要講,
    政府律師, 檢控官, 法援, 法官.....唔係唔駛錢架!!!
    只係包左係你的tax之中,
    最慘的就係, auditor fee 有價講,
    會計師人工更加唔駛講,

    但係tax.......你無價講架!!!

    ReplyDelete