Wednesday, March 02, 2011

掟落咸水海 vs 回水

被朋友問到曾鐵雞“能人所不能”、將“微調也很難”的預算案來個翻天覆地的變化,將注資有咸水海金美譽的強積金變成折現後,對於保守理財、反正都不會大花特花的人可有分別?


     *          *          *          *

本老頭答曰當然有一點點分別,假設閣下已有咸水海金戶口而不用為此新設,原方案下注資咸水海金的效果是:

本金 + (實質回報 - 管理費)^ 年期

假設:

名義回報 = 5% (好大機會高估了,但...做人樂觀點好!)
通漲 = 5% (雖然近年比較低,但四十一年波幅可以非常驚人,此已是保守估計,尤其當美帝濫發鈔票、故意壓低匯價;)
管理費 = 2% (平均數,注意是以結算計算,即年年都為你“管理”一次;)

當閣下為基金公司辛勤工作41年 (24歲投身工作、65歲退休;)

= $6,000(-2%)(+5%)(-5%)^40
= $2,674.20

最理想狀態有$2,674.20

注意:此計算是基於減去通漲的實質回報,不少朋友大蠱不解曰為什麼總覺得咸水海金愈來愈縮水、但公信力驚人的特區政府卻常強調咸水海金都有正回報便是源於此:前者說的是減去通漲的實質回報、後者說的卻是未減通漲的名義回報也!

朋友曰咸水海金何來5%名義回報?若覺過份樂觀的朋友可自行調節回報率重新計算。

     *          *          *          *

若是以現金發放、用以購入笨象:

名義回報 = 15% (股息連股價增長,歷史經驗絕對不止,但保守一點吧?)
通漲 = 5% (同上;)
印花稅、交易費用等 = 2% (人人不同,取大約數字;)
存倉費 = 0 (每間銀行不同,但大多數都是固定,與總存量沒什麼關係,所以對現有客戶沒有影響;既然計算咸水海金時假設已有咸水海戶口而不用特意開設,這點原則上大家都假設是零好了!)

同為41年:

= ($6,000 – 2%)(+15%)(-5%)^40
= $266,124.42;

好像比掉進咸水海金多了一點點...

     *          *          *          *

當然除笨象外大家亦可選渣打甚至六行,以笨象計算純為個人喜好而已;

當然假設數字可隨閣下理解而調整,但從上可看到若大家都是有意儲蓄至退休,投放於咸水海金與直接折現再自行投資在回報上是有一點點分別的…當然若計算萬一需應急錢救命時,股票可立即套現而咸水海金卻非常困難,股票的可取性便更高了一點點。

另值得一提的是,若閣下將退稅也投入笨象或其他銀行股,後者回報可增加一倍。

後記:真是難為曾鐵雞司長了!對於“儲備愈多愈好”論支持者而言,今次令不是他口袋的政府開支大幅增加可真是比拔他的毛還要難受,在此謹為他難過!


鐵雞司長氣度恢宏,擁有精衛填海的意志,對以市民金錢填平咸水海信心十足,可惜得不到市民的理解,殊為可歎矣(網上圖片)!

18 comments:

  1. 齋主,我昨晚剛做好功課,就是關於MPF的回報摸擬,有興趣的可到下面看看。要注意的是,這模型假設基金和市場(HSI)掛鈎。

    http://twitter.com/#!/fredhkw/status/42604602473988096

    ReplyDelete
  2. 其實條數點計大家都心中有數啦,何必再攞出嚟刺激大家呢:(

    現在又差不多係人都派$6K,誠哥有四叔有鬍鬚曾都有,咪又係一樣掟錢入咸水海:(

    ReplyDelete
  3. 齋主對「咸水基金」的評語,我深信大部份好似我呢d 蟻民應瞭如指掌...每個月人肉奉獻真金白銀給基金XX玩,真係幾so。所謂既回報,只是數字遊戲,反正d錢都唔係我,抄上抄落煮餸咁,不知幾爽!!

    反正六支野,話多唔多,話少唔少,但對於低下階層黎講,實有如「久旱逢甘霖」,總好過注入無低深淵中...

    ReplyDelete
  4. 小弟覺得MPF回報假設好唔合理。

    響呢十年年均通漲0.7%的情況下,強積金所有基金的平均回報都有5%
    (ref: http://www.mpfa.org.hk/tc_chi/quicklinks/quicklinks_sta/files/Dec_2010_Issue.pdf)
    點解響假設通脹5%的情況下不會有好點的表現?

    再者,強積金平均回報5%係計算收費的"淨回報"(基本上公佈的都係)...所以應刪去/加回假設回報。

    仲有呢個平均回報仲要係包括那些保守呀保證呀些低風險低回報的基金...點樣同笨象比較呀?
    點解唔用強積金香港中國股票基金的中位數回報比較?例如9%淨回報...
    (ref: http://www.mpfratings.com.hk/media/FCRSjan11CH )
    其實好保守...因為有一堆基金都有雙位數...

    另外2%的收費都有問題...一來FER都降到1.9%...之後在更多平計劃出年報後會再降...我估約三年內降到1.5%左右...

    如果用番你個公式...通漲及收費不變...回報用保守的9%補上扣了收費=11%
    = $6,000[1+(11%-2%-5%)]^40
    =$28806

    笨象個數若兄你好似計錯
    = $6000[1+(15%-2%-5%)]^40
    =$130347...

    ReplyDelete
  5. f兄:modeling既野叻計,assumption卻有點疑問:如果咸水海金有HSI既表現,市民都未必有咁深怨恨,真係買盈富都好過佢!

    Ebenezer/gravit兄:回水固然唔係最好既方法,不過小弟只想比較回水與掟落咸水海既分別;

    阿剛兄:咸水海金既致命傷係對管理人而言是"no risk":贏左固然有得分輸左都唔關我事,就算以過去十年而言如果有咁X表現既基金佬唔一早炒鬼左?與其話投資環境不如話係冇動機去做好;

    點解唔可以將佢同笨象/渣打/六行比?如Discuss會計版有位三老兄都識話,儲銀行股係三姑六婆都識既行為,表現仲差過三姑六婆都要收咁高管理費仲好意思話唔公平?

    講誤導左人幾年先要改名既"保本"基金就仲不消提:計埋管理費往往可以搞到負數出來既,真係掟去存定期好過!如果唔係壟斷租值,MPF班管理人唔畀市場消滅左十世?

    另回番你刪過既留言問題:過去十年通漲偏低係異常(講白點係因為香港大蕭條),在四十年工作生涯中十年異常低潮係異數,無論係香港經濟發達期又好(八九十年代可以有10%)、就算香港將來三十年經濟如是亦因為帝國濫發炒票也好,旨望通漲繼續低多三四十年都是不切實際的期望;

    笨象的2%是買時的交易費用而非每年畀,關於每年存倉費請見正文假設。

    ReplyDelete
  6. 版主,你地的分歧是基於唔同假設,芬佬根本不是市場力量下的產物,只係法例下逼住要益佢地的利益集團,所以阿剛咪覺得你要佢同市場比是唔公平囉!

    ReplyDelete
  7. 樓上個芬佬虧仲好意思講!A股H股點止得你地咁低表現呀!跑輸大市一大截仲好意思拿來講!

    ReplyDelete
  8. "去十年而言如果有咁X表現既基金佬唔一早炒鬼左?與其話投資環境不如話係冇動機去做好"

    先比段新聞你睇
    "國衛信託(AXA)的強積金表現落後大市,為了一洗頹風,昨日宣布撤換基金管理人,由原來國缳旗下的IPAC,改為任用鄧普頓基金....為了吸納更多新客,並給予客戶信心,首先會撤換基金管理人,新引入鄧普頓基金。他(李秉熙)指IPAC資產管理公司,過去幾年的管理表現都落後大市
    http://www.mpfinance.com/htm/Finance/20110120/MPFQuote/wp2_eaa1.htm

    這十年其實都有一堆計劃被終結了...近期的是富通MPF,本月要結束的是AXA駿盛強積金...

    "點解唔可以將佢同笨象/渣打/六行比?如Discuss會計版有位三老兄都識話,儲銀行股係三姑六婆都識既行為,表現仲差過三姑六婆都要收咁高管理費仲好意思話唔公平?"

    1.對一個只能用不超過總管理資產值10%去投資單一產品的MPF...同一個能瞓身買5號(或其他的)點比?
    2.5%年均回報包括了好多低風險的基金...橙同蘋果比?
    3.國與國之間的退休金其實幾難去比較…但要平,管的資金要夠多。
    (http://www.deloitte.com/assets/Dcom-Australia/Local%20Assets/Documents/news-research/Press%20releases/Australia%20compares%20well%20in%20global%20super%20fee%20study/International%20Pension%20Funds%20Fees%20Press%20Conf%20290909c.pdf)
    要比較制度上貼近的例子:澳洲其實有一樣嘢叫Self Managed Super Fund, 中文的話就係"自己搞自己管的退休金"。
    但要做到年均成本/‘收費’2%樓下,你需要有$200 ,000澳元,即約1,560,000港元的資產…
    (ref: http://www.supersystemreview.gov.au/content/downloads/statistical_summary_smsf/SMSF_statistical_summary_report.pdf pg.16)
    香港有幾多人有咁多強積金。…除非你幾條友一齊搞個。
    4.所以應該盡快搞全自由行,不能只讓僱主選些服務好但表現差的計劃:(http://www.mpfratings.com.hk/media/mediareleases/27102010)

    "講誤導左人幾年先要改名既"保本"基金就仲不消提"
    1. 這是一個"基金",不是一個銀行戶口,所以一樣要分擔基金管理費呀行政費呀信託費呀審計費呀等等開支。
    2.保守(前稱保本)基金可是立法"局"班議員要求的,"保本"這名又係法律要求的....
    問心,有邊個基金佬想搞個咁吃力不討好的港元基金,仲有下下要講番句:"此強積金計劃的XX強積金保守基金的回報並非本金保證。"


    "旨望通漲繼續低多三四十年都是不切實際的期望"
    那基金回報會否跟著通脹水脹般高?甚至好似90年代的好景?

    ReplyDelete
  9. 對於閣下為強積金的辯詞懶得一一回應了(得罪講,實在寫得太差),只回兩點:閣下說最強的強積金可幾乎媲美股票,又說不應拿所有強積金平均包括實質回報蝕死人的"保本"基金作比較;若強積金要拿最強的出來跟人"比"、我便將你所指最強的跟股市中最強的比一比如何?

    莫說是股票中最強者,就是笨象回報也比強積金中最強者為高;好!若說MPF不能"單一投資",那與恆生成份股或其變形盈富比又如何?無論點玩都係輸得雞毛鴨血,真是省省吧!

    閣下指最差的強積金都會被舊換新,但所講都是廢話:什麼"為了吸納更多新客,並給予客戶信心"?用戶實際有多大選擇餘地?還不是在爛橙和爛柑中選!如果唔徹底改變玩法,什麼門面功夫都是空談!

    門面說話係人都識講,我當年都做過marketing更主要是撰新聞稿!什麼花言巧語未用過?寫廢up宣傳易,做實事難!將來會好?到真係會好先講吧?將來!

    點解今次曾鐵雞會搞到天怒人怨?講句公道說話單睇總支出總對唔少,但初稿一出街市民都對注資強積金義憤填膺,如果唔係強積金表現太不知所謂市民會咁大反應?

    自己荷包係好貼身實在既野,蝕到入肉係切身感覺冇得呃人,唔係幾句蒼白的辯詞可以麻醉到人:唔通睇得《我和殭屍有個約會III》多,學左劉以達那招畀人一路丙一路同自己講"我唔痛!我唔痛!我唔痛!"就真係唔會痛、一路同自己強積金好掂好掂好掂就真係唔駛蝕入肉?

    市民尊唔尊重強積金唔係睇宣傳小冊子寫得多麼漂亮,關乎荷包的都是非常實際看表現(當然強積金看到點差都冇用,一樣被人捉住搶冇得走),與其花如此多精力砌詞狡辯,都係花多點功夫管理好一點吧!畢竟而家群情洶湧,將來如果真係開放市場以而家大半強積金經紀表現只怕飯碗凍過水!如果真係開放就真係如你所講可能會改變(我都希望會變到!),不過而家唔少從業員只怕要悲劇了!

    我在度四百多篇博文加討論區以萬計帖,看得我耐既朋友只怕都沒什麼機會見我講野咁唔客氣;不過如果閣下在城市論壇什麼面對市民的話只怕我會是最溫柔敦厚的一個!人貴自知,被千夫所指時都係諗下點解強積金會落得今日如此地步,怨人"偏見"對改變事實完全沒作用。

    ReplyDelete
  10. 唔怪得齋老唔想應佢,真係死雞撐飯蓋得好白痴! ;P

    "他(李秉熙)指IPAC資產管理公司,過去幾年的管理表現都落後大市" <- 自己都認mpf唔掂檔啦!不過有幾多隻mpf可以跑贏大市呀!

    都唔夠e句白痴!

    "那基金回報會否跟著通脹水脹般高?甚至好似90年代的好景?" <- 表現好的係基金,唔係坐在度都唔驚無生意的mpf基金呢!

    不過e個芬佬真係好厚面皮,唔止在e度死撐仲去搞埋bittermelon師兄個場,真係邊度有人鬧mpf就邊度見到佢!

    ReplyDelete
  11. 為自己立場辯護係天經地義,我都尊重言論自由,幾乎所有老讀者都知我係會計末日派,但在discuss從來冇禁止個任何一個樂觀的版友發言:立場冇所謂只要言之有物就得,而這位阿剛先生既論點真係唔係太高明,最多只能話係堆砌左堆理由"證明"強積金唔係極差、或講在極爛的強積金群中都有爛得唔太透徹既;

    但現實擺在這,無論係最強 vs 最強好、平均 vs 平均也好,強積金面對市場(e.g.恆指)都輸得一塌糊塗!

    以政府作風要佢取消強積金真係唔駛寄望(見前作《老屈定律》),只寄望真係可以開放市場,令強積金公司面對真正的市場競爭,或可能令表現與市場有相題並論的一日。

    ReplyDelete
  12. 邏輯真係好唔通!話將來通漲升MPF回報升是沒意思的,通漲低MPF回報跑輸大市,通漲升就算MPF回報升左但繼續跑輸大市也是沒有用,重點不是回報率本身而是跑輸大市。

    阿剛的論點真是很古怪,難怪會令人上火。

    ReplyDelete
  13. sorry...小弟文筆很差,請各位見笑

    其實我不想用表現來直接比較,因為對股票與MPF都不公平...

    不過都試做一下:
    小弟用的是Yahoo 的每月調整收市價再加股息
    用的是五年表現 (因為Yahoo無00年的資料)

    匯豐 0005:
    06年1月:$125.71
    11年1月:$84.58
    中間總派息:$3.24
    五年年均回報約: -6.9%

    渣打 2888:
    06年1月:$189.06
    11年1月:$201
    中間總派息:$3.5282
    五年年均回報約: 1.585%

    請各位幫忙睇一睇有無計錯。

    盈富基金yahoo出唔到數,有機會再計

    強積金01年1月五年年均表現中位數
    http://www.mpfratings.com.hk/media/FCRSjan11CH
    股票基金 (香港及中國):11.16%
    混合資產基金 (81至100): 5.47%
    混合資產基金 (61至80): 5.45%
    貨幣市場基金(強積金保守基金): 1.32%

    當然,這比較有點不完整,畢竟最好用平均成本法計算...但用來計算$6000注資,我想應該還可以吧。

    ReplyDelete
  14. 唉真係睇唔過眼,想唔叫你老正都唔得!

    匯豐供過供你知唔知?知唔知28蚊供股後對回後有什麼影響?睇你直接拿個現股價已經知你唔知啦!

    仲有匯豐5年利息3.24係講緊美金唔係港幣呀盲丙!識唔識英文架!睇第18頁啦!

    http://www.hsbc.com/1/content/assets/investor_relations/hsbc2010ara0.pdf

    都知基金佬無財政知識、英文差,不過估唔到你供股有咩影響又唔知,連美金港幣又唔識分!做老正都做得醒少少啦!E度好多高手架!呃食行遠D啦!

    ReplyDelete
  15. 對方是不是芬佬我不知道, 與各位高手是否有過節我也不知道, 但人人都有表達意見的自由, 即使有錯, 指正便是了, 何必這樣臭罵?

    真有點看不過眼...

    ReplyDelete
  16. 的確我昨日火氣重了點:被這位阿剛先生用太多似是而非的理論惹得有點火...但昨日回時還未見最精彩的一環:供股好多股民的確未必識計(當然如果是從事金融行業的卻是基本要求),但美金 vs 港元那句真係忍不住笑了! XD

    但真的是應該控制控制自己的火氣。

    ReplyDelete
  17. 果然小弟計錯了
    再多計一次
    有興趣就看吧
    http://www.sendspace.com/file/9vhh2m
    (收息直接買回股票,供股時假設無錢供,直接用理論供股權估值當股息。

    不過倒米來說,我會選恆生。

    ReplyDelete
  18. 的確有點重火氣,上兩樓的朋友鬧得岩,如果過左火請唔好介意;

    我正文都提到好的銀行股(甚至其他如太古等)都係唔錯,唔一定要揀笨象;恆生這幾年回報係好,不過有一個麻煩點係市場太集中,大部份業務都係在香港加少少中國,講穩定性唔及笨象、渣打,如果求中國既又唔及六行(雖然管治水平差天共地),如果中國經濟有咩問題香港都唔好得好多,所以整體而言唔係太著重 - 當然唔係差,但唔係我這種只儲然後不理懶人的首選。

    ReplyDelete